ISAIAH 53:3 - Lai (Hakha) Common Language Bible 2006

³ Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

ISAIAH 53:3 Referans Kwoze

MATTHAI 26:67

Cun a hmaiah cil an chak i an tuk; cun a bengtu hna nih khan an thawh i,

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

MARKA 14:34

annih cu a thawh hna i, “Ka lungre a thei tuk hringhran. Cucaah hika ah hin rak um u law hngilh loin rak ka hngak u,” tiah a ti hna.

ISAIAH 53:4

“Asinain zawtnak a inmi cu kanmah nih kan rak in hngami kha a si i nganfahnak a tuarmi cu kanmah nih kan rak tuar hngami kha a si. Temhnak a inmi cu, Pathian nih a cungah dantatnak a tluntermi a si, tiin kan rak ruah zungzal.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

ISAIAH 50:6

A ka tumi kha ka keng ka chit ko hna, an ka serhsat tikah ka kham hna lo, ka khahmul an ka phawipiak i ka hmia i cil an ka chak ah khan zeihmanh ka ti hna lo.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

LUKA 9:22

“Mi Fapa nih hin temhinnak tampi ka in hrimhrim lai; upa hna le tlangbawi upa hna le Phungbia cawnpiaktu saya hna nih an ka hlawt lai. An ka thah lai i ni thumnak ni ah thawhter ka si ṭhan lai,” tiah a chimh hna.

LUKA 16:14

Farasi mi nih hi a chimmi vialte cu an theih tikah, annih cu tangka a duhmi an si caah, amah kha an nihsawh.

LUKA 8:53

A thi ko ti kha an hngalh caah an nih a chuak.

MARKA 15:19

A lu ah cun fung in an tuk i an cil an chak i an khuk an i bil i a hmaiah cun an kun.

MARKA 9:12

Jesuh nih cun, “Zeizong vialte rak timh chung awkah Elijah cu a ra hmasa taktak ko. Asinain, zeicahdah Cathiang nih, Mi Fapa nih temhinnak tampi a huah lai i a hlawt zong hlawt a si lai, tiah a ti hnga?

JOHAN 11:35

Jesuh cu a ṭap.

JOHAN 8:48

Judah mi nih khan Jesuh cu an leh i, “Nang cu Samaria mi na si i, ‘Na chungah khuachia aa hrolh,’ kan rak in ti kha kan hmaan ngaingai a si lo mei?” an ti.

MATTHAI 27:63

“Bawipa, hi milihchim pa nih hin a nun lioah, ‘Ni thum hnuah thawhter ka si ṭhan lai,’ a rak ti kha kan hngalh.

MIKAH 5:1

Jerusalem khuami hna, kulhnak vampang phen ah khan i thup u, Nannih cu an in kulh cang hna; Israel uktu cu a bel ah fung in an tuk lai.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

LUKA 19:41

Khuapi cu a hei naih chin lengmang i a hei hmuh tikah a ṭah i,

SALM 69:29

Sihmanhsehlaw kei cu harnak chung le temhinnak chungah ka um i cucaah cun ka cawi law ka khamh tuah, Maw Pathian.

MARKA 10:33

A thawh hna i, “Jerusalem khua kan hung phan lai i Mi Fapa hi tlangbawi upa hna le Phungbia cawnpiaktu saya pawl hna kut chungah khan an chanh lai. Annih nih cun, thih awktlak a si, tiin sual an phawt lai i, cun Jentail mi hna kut ah an chanh chin lai.

MARKA 10:34

Cu hna nih cun an cawhdeh lai, cil an chak lai, fung in an tuk lai i an thah lai. Cun ni thum hnuah a tho ṭhan lai,” tiah a ti hna.

ISAIAH 52:14

An rak hmuh ah khan mi tampi cu an khuaruah a har; a muihmai cu a rak rawk tuk hringhran i minung hmanh a lo lo.

SALM 88:4

Thihnak a phan dengmangmi hna bantuk kha ka si ve i ka thazang vialte a lo dih cang.