ISAIAH 49:15 - Lai (Hakha) Common Language Bible 2006

¹⁵ Cucaah Bawipa nih a leh hna i, “Nu nih a fa cu a philh kho hnga maw? A chungchuak cu daw loin a um kho hnga maw? Nu nih hin cun a philh hmanh a philh kho hnga, sihmanhsehlaw kei nih cun kan philh bal hna lai lo.

ISAIAH 49:15 Referans Kwoze

ISAIAH 44:21

Bawipa nih aa thawh i, “Israel mi hna, hi thil hi philh hlah u; ka sal nan si kha philh hlah u. Nannih cu ka sal si awkah kan ser hna, cucaah kan philh bal hna lai lo.

SALM 103:13

Pale nih an fale an zaangfah hna bantuk khin Bawipa nih amah a ṭihmi cu a zaangfah hna.

MATTHAI 7:11

Hi tlukin nan ṭhalo ko nain, nanmah hmanh nih nan fale kha thil ṭha pek nan hngalh ahcun, vancung i a ummi nan Pa chinchin nih cun zeitluk in dah thil ṭha cu a halmi kha a pek chinchin hna lai!

HOSEA 11:1

Israel cu ngakchia a si lio in ka dawt; Ka fapa cu Izipt ram chungin chuah awkah ka auh;

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

MALAKHI 3:17

Ralkapbu Bawipa nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a ṭuantu a fapa kha a zuah bantukin annih cu ka zuah hna lai.

ṬAHNAK HLA 4:10

Nu nunnem tete hna nih khan anmah kut in an fale kha an chumh hna; Ka mi hna cu hliam an si ni ah cun an fale lila cu an rawl ah an cang ko.

ṬAHNAK HLA 4:3

Huel nga hmanh nih an hnuk an chuah i an fale kha hnuk an dinh hna; Sihmanhsehlaw ka mi hna i an fanule hna cu Thetse ram i a ummi ostrik va bantukin an nun a chia.

ROM 1:31

an ziaza a ṭhalo, an biakam kha an let lengmang, midang cungah zaangfahnak le zawnruahnak zeihmanh an ngei lo.

LEVITIKAS 26:29

Nan fapale sa kha nan ei lai i nan fanule sa kha nan ei lai.

JOB 24:20

Ahohmanh nih amah cu an hngal ti lo, a nu hmanh nih a hngal ti lo; Tholung nih an ei i a rawk dih cikcek.

SALM 27:10

Ka nu le ka pa hmanh nih khin hei ka hlaw hna seh law, Bawipa nih cun a ka zohkhenh ṭhiamṭhiam ko lai.

SALM 77:9

Pathian nih hin minung cung i zaangfahnak ngeih kha a philh ko hnga maw? Minung cung i zawnruahnak a ngeih tawnmi kha a thinhunnak nih dahra a hloh dih?” ka ti.

PHUNGTHLÛKBIA 31:2

Nangmah cu ka dawtmi ka fapa, ka thlacamnak lehnak i ka hmuhmi ka fapa na si, zeidah kan chimh lai?

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 49:14

Sihmanhsehlaw Jerusalem khuami nih cun an i thawh i, “Bawipa nih a kan hlawt cang! A kan philh cang!” an ti.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.

ISAIAH 54:10

Fing le tlang hmanh khi an cim hnga i an rawk ko hnga, sihmanhsehlaw kei nih kan dawtnak cu zeitikhmanh ah a dong lai lo. Daihnak kan pek lai, tiah bia kaa kammi cu, a zungzal in ka zulh lai,” tiah nangmah an dawtu Bawipa nih a ti.

JEREMIAH 51:5

Israel le Judah cu an Pathian, Ralkapbu Bawipa nih a ma hna lo, Sihmanhsehlaw Khaldi mi ram cu sualnak in a khat i Israel Mi Thiang nih a hlawt cang.