ISAIAH 44:6 - Lai (Hakha) Common Language Bible 2006

⁶ Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

ISAIAH 44:6 Referans Kwoze

ISAIAH 41:4

Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? Bawipa cu a hramthawknak i a rak ummi kha ka si i Bawipa cu a donghnak i a um laimi zong ka si.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

BIAPHUAN 22:13

Kei cu Alfa le Omega kha ka si, hmasa bik le hmanung bik, hramthawknak le donghnak ka si,” a ti.

ISAIAH 44:8

Ka mi hna, nan thinphang hlah u. Thil um lai ding vialte kha hlanlio piin atu tiang, ka rak chimchung cang kha nan hngalh i ka tehte cu nanmah nan si. Pathian dang aho tal an um maw? Lungpi dang ahohmanh an um lo, ka hngalhmi pakhat hmanh an um lo.

ISAIAH 48:17

Israel Pathian thiang, nanmah an khamhtu hna Bawipa, nih, “Keimah cu Bawipa nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si.

ISAIAH 48:12

“Ka thimmi Israel mi hna, ngai tuah u, keimah lawnglawng hi Pathian ka si, a hmasa bik le a hmanung bik ka si.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

ISAIAH 42:8

“Keimah lawnglawng hi Bawipa na Pathian cu ka si. Ka sunparnak hi pathian dang ahohmanh hrawm ka duh hna lo i ka thangṭhatnak hi siasal zeihmanh hrawm ka duh hna lo.

ISAIAH 44:24

“Keimah cu Bawipa, nanmah an sertu hna le an khamhtu hna ka si. Keimah cu zeizong vialte a sertu Bawipa ka si. Keimah lawnglawng nih van cu ka samh hna; vawlei ka rak ser ah hin ahohmanh nih an ka bawm lo.

DEUTERONOMI 6:4

“Thei hmanh, maw Israel: Bawipa hi kan Pathian a si, Bawipa lawnglawng hi;

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

ISAIAH 37:16

“Ralkapbu Bawipa, Pathian bawiṭhutdan cungah a ṭhu mi, nangmah lawnglawng hi Pathian na si i vawlei cung pennak vialte a uk dihtu na si. Nangmah nih van le vawlei kha na ser hna.

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

BIAPHUAN 2:8

“Smyrna khua i a ummi Khrihfabu vancungmi sinah hitihin va ṭial tuah: Hi bia hi a hmasa bik le a hmanung bik a simi, a thi i a nung ṭhanmi bia a si.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

JEREMIAH 50:34

Sihmanhsehlaw bawmtu ṭhawng an ngei, A min cu Ralkapbu Bawipa a si; Amah hrimhrim nih an bia cu a chimpiak hna lai, Babilon le a mi hna cungah cun harnak le hnahnawhnak a tlunter lai.

ISAIAH 59:20

Bawipa nih a mi cu a thawh hna i, “Nan sualnak a mertakmi vialte, nan dihlak in ven awkah le khamh awkah Jerusalem ah ka ra lai.

MATTHAI 27:37

A lu cungah cun sual an phawtnak bia an ṭialmi kha an benh. Cu bia cu: “Hihi Jesuh, Judah Siangpahrang cu a si,” ti hi a si.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

ISAIAH 41:21

Bawipa, Israel siangpahrang nih hitihin a ti: “Miphun dang pathian hna, nan bia cu rak chuahpi tuah hnek u, nan thiam khawh chungin chim tuah u.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

SALM 86:10

zeicahtiah Pathian, nangmah lawnglawng hi a ṭhawngmi na si, nangmah lawnglawng hi khuaruahhar a tuah khotu na si.

ISAIAH 63:16

Nangmah cu kan Pa na si. A kan hringsortu Abraham le Jakob hmanh nih an kan bawm kho lo, sihmanhsehlaw Bawipa, nangmah cu kan Pa na si. Nangmah cu a kan chuahtu zungzal na si.

ISAIAH 40:18

Pathian cu aho he dah na tahchunh khawh lai? Zeidah a lawh ti kha zeitindah na chimh khawh lai?

ISAIAH 43:9

Biaceihnak hmun i chuah awkah miphun dang kha au hna u. An pathian aho tal nih hmailei thil kong an chimchung kho maw? Atu i a um liomi thil hi aho tal nih an rak chimchung kho maw? Hi pathian hna nih hin, kan chimmi cu a hmaan i kan bia cu biatak a si ti langhternak caah tehte rak i chuahpi hna seh.

JEREMIAH 10:1

Maw Israel chungkhar hna, Bawipa nih nan sin i a chimmi bia hi ngai tuah u.