ISAIAH 44:24 - Lai (Hakha) Common Language Bible 2006

²⁴ “Keimah cu Bawipa, nanmah an sertu hna le an khamhtu hna ka si. Keimah cu zeizong vialte a sertu Bawipa ka si. Keimah lawnglawng nih van cu ka samh hna; vawlei ka rak ser ah hin ahohmanh nih an ka bawm lo.

ISAIAH 44:24 Referans Kwoze

ISAIAH 45:12

Vawlei a sertu cu keimah ka si i a cung um dingah mi a sertu cu keimah ka si. Ka ṭhawnnak in van cu ka samh hna i ni le thlapa le arfi cu ka uk hna.

ISAIAH 42:5

Pathian nih van khi a ser hna i a samh hna; vawlei le a cung i a ummi thilnung vialte kha amah nih a ser hna; vawlei cung i a ummi vialte kha nunnak le thaw a pek hna. Cu Bawipa Pathian nih cun a sal cu a thawh i,

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

ISAIAH 45:18

Van cu Bawipa nih a ser hna — amah cu Pathian a si. Vawlei kha a ser i a siam — fekte le saupi nguh in a ser, vawlei cu thetse ram, ram pakpalawng ah a ser lo, minung umnak caah a ser. Amah cu, “Keimah hi Bawipa cu ka si, keimah hleiah pathian dang an um lo,” a titu kha a si.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

JOB 9:8

Amah nih van cu a samh hna i rili tilet hna cu a lamh hna.

ISAIAH 44:2

Nanmah an sertu hna cu Bawipa ka si, nan nunnak a hram a thawknak khan keimah nih kan bawmh hna. Nan thinphang hlah u; nanmah cu ka sal nan si, ka dawtmi ka mithim nan si.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

ISAIAH 43:14

Nanmah an khamhtu hna Bawipa, Israel Pathian thiang nih aa thawh i, “Nanmah khamh awkah Babilon cu ralkapbu pakhat ka tukter lai; khuapi kulhnak kutka kha ka chimh hna lai i mi an au khuannak kha ṭahnak ah a cang lai.

ISAIAH 40:22

Vawlei leng le van pin i a bawiṭhutdan cung i a ṭhumi nih khin vawlei cu a ser; a cung i a ummi hna cu khaubawk bantuk men an si. Van cu puanzar bantukin a zam i mi umnak thlam bantukin a samh.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

EFESA 3:9

Pathian nih a thli tein khua a rak khanmi ah khan zeitindah rian a ṭuan ti kha, mi vialte hngalhternak rian cu Pathian nih a ka fial. Zeizong vialte Sertu Pathian nih cun kan hnulei chan chung vialte kha a biathli cu a rak thuh,

JOHAN 1:3

Pathian nih zeizong vialte hi cu Bia thawng cun a ser hna i Bia thawng loin sermi zeihmanh an um lo.

JEREMIAH 51:15

Pathian nih vawlei hi a ṭhawnnak in a ser, Vawlei hi a umnak hmun ah hin a fimnak in a umter; Van khi a thiamnak in a samh hna.

ISAIAH 48:13

Ka kut in vawlei hram kha ka ser hna i van kha ka samh hna. Van le vawlei kha ka auh hna tikah, khulrang tein an ra chuak.

ISAIAH 44:6

Israel mi kha a uk i a hupphengtu hna Bawipa, Ralkapbu Bawipa nih hitin a ti: “Keimah cu a hmasa bik le a hmanung bik ka si, Keimah lawnglawng hi Pathian ka si i Keimah chim lo a dang pathian zeihmanh an um lo.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

SALM 104:2

ceunak in naa tuam. Van khi puan thlam bantukin na samh hna i

JOB 26:7

Pathian nih van puan cu pakpalawng cungah khin a zam i Vawlei cu zeihmanhlo chungah a thlai.

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

ISAIAH 63:16

Nangmah cu kan Pa na si. A kan hringsortu Abraham le Jakob hmanh nih an kan bawm kho lo, sihmanhsehlaw Bawipa, nangmah cu kan Pa na si. Nangmah cu a kan chuahtu zungzal na si.

ISAIAH 49:1

Lamhlatpi i a ummi miphun hna, ram hlapi i a ummi hna, ka bia ngai tuah u. Ka chuah hlan in Bawipa nih a ka thim i a sal si awkah a ka fial.

JEREMIAH 50:34

Sihmanhsehlaw bawmtu ṭhawng an ngei, A min cu Ralkapbu Bawipa a si; Amah hrimhrim nih an bia cu a chimpiak hna lai, Babilon le a mi hna cungah cun harnak le hnahnawhnak a tlunter lai.

SALM 71:6

Ka nun chung vialte nangmah cu kan hngatchan; ka chuahka in nangmah nih na ka huhphenh zungzal; nangmah cu a zungzal in kan thangṭhat lai.

ISAIAH 60:16

Nu nih a fa kha a zohkhenh bantukin, miphun hna le siangpahrang hna nih khan an in zohkhenh lai. Bawipa nih kan khamh kha na hngalh lai, Israel Pathian ṭhawng nih kan luatter kha na hngalh lai.

ISAIAH 59:20

Bawipa nih a mi cu a thawh hna i, “Nan sualnak a mertakmi vialte, nan dihlak in ven awkah le khamh awkah Jerusalem ah ka ra lai.

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 48:17

Israel Pathian thiang, nanmah an khamhtu hna Bawipa, nih, “Keimah cu Bawipa nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

SALM 78:35

Annih a hupphengtu hna cu Pathian a si kha an hun hngalh i annih a khamhtu hna cu Cungnung Bik a si kha an hun theih.

JOB 31:15

Paw chung i a ka sertu nih cun anmah cu a ser ve hna lo maw? Pathian pakhat nih paw chungah a kan ser cio a si lo maw?

JOB 37:18

Amah bantukin van khi na samh kho maw? Thlalang a timi thletmi bantukin a hakmi khi zeitindah a si na hngal kho maw?

SALM 136:6

A thukmi ti cungah vawlei kha a sak, a dawtnak cu zungzal in a hmun.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

ZEKHARIAH 12:1

Chimmi bia: Mah hihi Israel kongah Bawipa nih a chimmi bia cu a si, Bawipa cu van kha a samh i vawlei kha a ser i minung chungah thlarau a sertu kha a si.

ISAIAH 45:7

Keimah nih ceunak zong ka ser i muihnak zong ka ser; thluachuahnak zong ka tlunter i vanchiatnak zong ka tlunter, Bawipa nih hi thil vialte hi ka tuah dih hna.

ISAIAH 45:8

Teinak cu van in ruah sur in ka surter lai i vawlei nih a rak i donh lai, cun luatnak le dinnak cu vawlei ah cun an par lai. Bawipa nih mah hi cu ka umter lai,” a ti.

JEREMIAH 10:12

Pathian nih vawlei hi a ṭhawnnak in a ser Vawlei hi a fimnak in a umnak hmun ah hin a umter Van khi a thiamnak in a samh hna.