ISAIAH 44:23 - Lai (Hakha) Common Language Bible 2006

²³ Nannih van hna, lunglawmhnak in au tuah u, vawlei cung i a thukmi hmun hna, au tuah u. Tlang te tupi chung thing vialte hna, lunglawmhnak in au tuah u. Bawipa nih a mi Israel mi cu a khamh cang hna i cuticun a lianhngannak kha a langhter cang.

ISAIAH 44:23 Referans Kwoze

SALM 69:34

Van le vawlei hna, Bawipa cu thangṭhat tuah u, rili le a chung i a ummi thil vialte hna, Bawipa cu thangṭhat tuah u.

JEREMIAH 51:48

Van le vawlei le a chung i a ummi thil vialte hna nih, Babilon cu a tluk caah lunglawmhnak in hla an sa lai; Zeicahtiah chaklei in a rami ral hna nih, amah cu an tei lai, tiah Bawipa nih a ti.

ISAIAH 49:3

A ka thawh i, “Israel, nangmah cu ka sal na si; nangmah ruangah mi nih an ka thangṭhat lai,” a ti.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

BIAPHUAN 12:12

Cucaah cun nannih van hna le khika i a ummi vialte hna, i lawm tuah u. Sihmanhsehlaw vawlei le rili caah cun ṭihnung a va si hringhran dah! Zeicahtiah Khuachia cu nan sinah a rung ṭum cang i cu pinah caan tawite lawnglawng ka ngei ti kha a hngalh fawn caah a thin a linh in a lin ko,” tiah a ti.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

EFESA 3:21

khrihfabu chungah Khrih Jesuh thawngin, zungzal in zungzal tiang sunglawi ko seh! Amen.

EZEKIEL 36:8

Sihmanhsehlaw nannih Israel tlang hna tu nih cun, ka mi hna kha inn i an tlun lai caan a nai cang caah nge thar nan la lai i ka mi Israel mi hna caah cun thei nan tlai lai.

EZEKIEL 36:1

Cun mipa, Israel tlang hna cu chawn hna law, Israel tlang hna, Bawipa bia cu thei tuah u, ti hna.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

ISAIAH 26:15

Bawipa, nangmah nih kan miphun cu na ṭhanter i a ram cu a kam kip in na kauhter, cucaah nangmah nih upatnak na hmuh.

SALM 148:7

Rili chung thil ṭihnung hna le rilipi thuk hna, Bawipa cu vawlei ah hin thangṭhat u!

EZEKIEL 39:13

cu vuinak ah cun mi vialte nih khan an ṭuan awk hnga kha an ṭuan cio lai. Upatnak ka hmuh ni cu an caah philh lo awk ni a si lai, hihi Bawipa Pathian bia hrimhrim a si.

EFESA 4:9

“A hung kai,” ti cu a sullam zeidah a si? A hmasa bik ah, “A rung ṭum,” tinak a si — cucu vawlei tangah khin a vung ṭum tinak a si.

1 CHANRELNAK 16:31

Van hna khi i lawm ko hna seh, vawlei hi a tha nuam seh, “Bawipa nih a pen,” tiah miphun kip sinah chim hna seh.

SALM 65:13

Ram hnonak hmun cu tuu in an khat i nelrawn cu facang in an khat; lunglawmhnak in an au i hla an sa.

SALM 148:9

Fing le tlang hna, thingthei kung le tupi hna, amah cu thangṭhat u!

ISAIAH 12:5

Thil lianngan a tuah hna caah Bawipa cu hla in thangṭhat u. Vawlei dihlak nih cu thawng cu thei hna seh.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

ISAIAH 52:9

Jerusalem khua chung i a rawkmi hmun hna, lunglawm le thanuam in au tuah u. Bawipa nih a mi cu a hnemh cang hna, a khuapi cu a khamh cang.

JEREMIAH 31:11

Bawipa nih Jakob cu a tlanh ṭhan cang i A ṭhawngmi a ral kut chung khan a chuah ṭhan cang.

EZEKIEL 35:14

Cucaah hihi Bawipa Pathian bia an si: Nangmah cu kan ṭhumh lai i vawlei cung cu a dihlak in an di a riamh tiang thetse ram ah kan ser lai.

EXODUS 18:9

Jethro nih an cung i Bawipa a ṭhatnak vialte le Izipt mi hna sinin a khamh hnanak kong a theih tikah a lung aa lawm ngaingai.

1 CHANRELNAK 16:32

Rili le a chungah a ummi thil vialte awn hna seh, Lo le a chungah a ummi thil vialte kha i lawm hna seh!

1 CHANRELNAK 16:33

Khi tikah ramlak thingkung vialte cu Bawipa hmaiah lawmhnak in hla an sa lai, Zeitintiah vawlei kha biaceih awkah amah cu a ra.

SALM 69:35

Zion cu a khamh lai i Judah ram chung khua cu a remh ṭhan hna lai; a mi cu cuka ah cun khua an sa lai i ram cu an co lai;

SALM 89:13

Zeitluk in dah na lianhngan! Zeitluk in dah na ṭhawn!