ISAIAH 44:22 - Lai (Hakha) Common Language Bible 2006

²² Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si,” a ti.

ISAIAH 44:22 Referans Kwoze

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

1 KORIN 6:20

a man in cawkmi nan si. Cucaah nan pum cu Pathian sunparnak caah hmang u.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

SALM 103:12

Nichuahlei le nitlaklei an i hlat tluk khin kan sualnak cu kanmah he i hlat ah a kan ṭhialpiak.

JEREMIAH 33:8

Ka cungah sualnak an tuahmi vialte khan ka thianh hna lai; an sualnak cu ka ngaihthiam hna lai i keimah an ka dohnak kha ka ngaihthiam hna lai.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

SALM 51:9

Ka sualnak cu na mit chinhkanh ko hna law ka ṭhat lonak vialte cu ka hnawhpiak dih ko hna.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 51:11

Na luattermi hna nih khan Jerusalem cu, lunglawmhnak le hlasak pah le thanuam au khuannak he an phak lai. Zungzal in an i lawm lai i ngaihchiatnak le lung retheihnak in an luat zungzal cang lai.

ISAIAH 1:27

Bawipa cu a din caah Jerusalem le aa ngaihchihmi paoh cu a khamh hna lai.

SALM 109:14

Bawipa nih a pupa hna sualnak kha philh hlah seh law a nu sualnak kha ngaithiam hlah seh.

JOB 37:11

Khuadawm chah pipi cu an chungah ti a rawn hna; Khuadawm nih a minmei cu khuazakip ah a ṭhek hna.

NEHEMIAH 4:5

Annih nih khua remhtu hna cu lang hngan in an thin an phawh hna caah an mawhnak cu khuhpiak hna hlah law an sualnak cu cazin chungin hlohpiak hna hlah.

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

JEREMIAH 18:23

Asi, Maw Bawipa, nangmah nih keimah thahnak ding caah an timhmi vialte cu na hngalh dih ko; An ṭhat lonak kha hlohpiak hna hlah law, an sualnak kha hnawhpiak hna hlah. Ril cuahmah in na hmaiah chuahpi an si tikah, Na thinhun ni ah an cungah cun ṭuan ko.

2 CHANRELNAK 6:21

Cun na salpa le na mi Israel mi hna nih hi hmun lei hoih in thla kan cam tikah, kan in nawlnak cu kan theihpiak ko; asi, na umnak hmun van khin run thei ko law, cun na theih tikah kan ngaithiam ko.

ISAIAH 31:6

Pathian nih, “Israel mi hna, fak piin ka thin nan ka hunter i nan ka doh. Sihmanhsehlaw atu cu ka sinah ra kir cang ko u.

ISAIAH 33:24

Kan ram i a ummi cu ka zaw tiah an zai ti lai lo i an sualnak vialte cu ngaihthiam an si lai.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

EXODUS 18:9

Jethro nih an cung i Bawipa a ṭhatnak vialte le Izipt mi hna sinin a khamh hnanak kong a theih tikah a lung aa lawm ngaingai.

DEUTERONOMI 32:43

“Maw miphun hna, a mi kha thangṭhat hna u, Zeitintiah a sal hna thisen phu kha a hlam i A ral hna kha phu a hlam hna i A mi hna ram caah sual thianhnak a tuah lai,” tiin au u.

2 SAMUEL 12:13

Cun David nih Nathan sinah cun, “Bawipa sinah ka sual cang,” tiah a ti. Cun Nathan nih David cu, “Bawipa zong nih na sualnak kha an ngaihthiam cang, na thi lai lo.

SALM 130:8

A mi Israel mi vialte kha an sualnak chungin a khamh hna lai.

ISAIAH 52:9

Jerusalem khua chung i a rawkmi hmun hna, lunglawm le thanuam in au tuah u. Bawipa nih a mi cu a hnemh cang hna, a khuapi cu a khamh cang.

JEREMIAH 50:20

Cu caan a phak tikah Israel mi hna chungah sualnak hmuh a si lai lo i Judah mi hna chungah ṭhat lonak hmuh a si lai lo; zeicahtiah ka nuntermi hna cu an sualnak kha ka ngaihthiam hna lai, tiah Bawipa nih a ti.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

ZEKHARIAH 3:4

cun vancungmi cu aa mer i a tuammuaitu hna kha, “A thilpuan a thurhnawmmi kha phoih u,” tiah a ti hna. Cun aa mer i amah cu a thawh i, “Zeitindah na sualnak kan lakpiak cang kha zohhmanh, nangmah cu thilpuan ṭha in kan thuamh,” tiah a ti.