ISAIAH 44:20 - Lai (Hakha) Common Language Bible 2006

²⁰ Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

ISAIAH 44:20 Referans Kwoze

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

HOSEA 12:1

Efraim cu a tuurun thli menmen a simi kha a khal i Amah cu chun nitlak in nichuahlei thil a dawi lengmangmi kha a si; Assiria he khan biakamnak kha a va ser i Izipt ram ah khan laksawng chiti kha a vun phorh.

SALM 102:9

Ka rawl cu vutcam a si i ka dinmi cu mitthli he aa cawh,

JOB 15:31

A rian a nganmi kha i bochan in amah le amah i hleng hlah seh, Zeicahtiah a rianṭuanmi cu pakpalawng ah a cang lai.

2TIMOTE 2:13

Zumh awk tlak loin kan um hmanh ah, anih cu zumh awk tlak a si ko. Zeicahtiah amah le amah cu aa hleng kho lo.”

ROM 1:25

Pathian kong i biatak kha lih ah an thlen; Sertu kha bia loin sermi thil tu kha an biak hna, Sertu cu pei zungzal in thangṭhat awk a simi cu a si cu! Amen.

HOSEA 4:12

Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.

BIAPHUAN 20:3

Vanmi nih cun dongh hngal lo khor chungah khan a thlak i kum thong khat kha a dih hlantiang, mi kha a hlen khawh ti hna nakhnga lo, a hrenh i ca a khenh chih. Cu hnuah cun tlawmpal chuah a si te lai.

BIAPHUAN 18:23

A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

1TIMOTE 4:2

Hi cawnpiaknak hi lihchim hmangmi hna nih lih in mi an cawnpiak hnanak chungin a chuakmi a si; annih cu an chiaṭha thleidannak a thimi, thir lin nih a kangh ca i a ngongmi an si.

LUKA 15:16

Vok nih an eimi bekawng hmanh kha ṭam lenning ti a duh, asinain ahohmanh nih ei awk zeihmanh an pe lo.

HABAKKUK 2:18

Siasal hi a ṭhathnemnak zei a um maw? Minung nih an sermi a si ko i lih dah ti lo cu zeihmanh aan chimh khawhmi hna a um lo; a holh hmanh a holh kho lomi pathian cu a sertu caah a tuah khawhmi zeital a um maw?

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

ISAIAH 59:13

Nangmah cu kan in doh, kan in hlawt i kan in zul duh lo. Kan Pathian cu kan in kirtak i kan in hlawt. Kan lung chungin lih kha kan i pawi i cu lih cu mi congoihnak le mi rawinak ah kan hman hna.

PHUNGTHLÛKBIA 15:14

Mifim nih cun hngalh chin lengmang kha an duh, sihmanhsehlaw mihrut cu an hruhnak ah khan an i za ko.

JOB 15:2

“Thli lawng a khatmi fimnak in maw mifim nih a leh awk a si hnga? Nichuahlei thli in maw aa khahter ko lai?

SALM 115:4

Annih pathian tu cu sui le ngun in sermi an si, minung kut nih a sermi an si.

SALM 144:8

annih cu biatak a chim bal lomi, biatak ka chim lai tiah chiat i serh hnu hmanh ah lih a chim ṭhiamṭhiammi an si.

SALM 144:11

A puarmi ka ral hna kut chung khan ka khamh ko, ramdangmi hna ṭhawnnak chung hin ka khamh tuah, annih cu biatak a chim bal lomi, biatak ka chim lai tiah chiat i serh hnu hmanh i lih a chim ṭhiamṭhiammi an si.

ISAIAH 47:10

“Na ṭhat lonak chungah hnangam in na um ko; ahohmanh nih an ka hmu lo, tiah na ruah. Na fimnak le na hngalhnak nih a pingah an in hruai i nangmah le nangmah cu, ‘Pathian ka si — keimah bantuk midang ahohmanh an um lo,’ naa ti.

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?