ISAIAH 44:19 - Lai (Hakha) Common Language Bible 2006

¹⁹ Siasal a sertu nih, “Thing cu, a cheu mei tih awkah ka hman. Cun mei ah cun rawl le sa ka chuan hna i ka ei hna. Cun thing kha a tangmi cu siasal ah ka ser i cu thingtan hmaiah cun atu hi ka kun,” ti ruah awk a hngal lo.

ISAIAH 44:19 Referans Kwoze

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

1 SIANGPAHRANG 11:5

Zeitintiah Solomon nih cun Sidon mi hna khuazingnu Ashtoreth le Ammon mi hna pathian fihnung Milkom kha a zulh hna.

HOSEA 7:2

Thil ṭhalo an tuahmi vialte kha ka hngalh camcin ko ti kha a ruah awk an hngal lo; An sualnak nih khan a kulh hna i ka hmaika khan an luat kho lo.

EZEKIEL 40:4

A ka thawh i, “Mipa, ṭha tein zoh law ṭha tein ngai hmanh, kan hmuhsakmi thil vialte kha ṭha tein i chingchiah hna, cucaah cun pei hika ah hin ratpi na si fam cu. Cun na hmuhmi vialte kha Israel mi va chim dih hna,” a ka ti.

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

ISAIAH 5:13

Cucaah cun nannih cu sal ah kalpi nan si lai. Nan hruaitu pawl cu rawlṭam in an thi lai i nan zapi pawl cu tihal in an thi lai.

2 SIANGPAHRANG 23:13

Jerusalem nichuahlei, rawhralnak tlang in thlanglei i a ummi khuahrum bo hna kha siangpahrang nih cun a thurhnawmhter hna; mah cucu Israel siangpahrang Solomon nih Sidon mi pathian fihnung Ashtoreth le Moab mi pathian fihnung Khemosh le Ammon mi pathian fihnung Milkom ca i a sermi kha an si.

DEUTERONOMI 32:46

annih sinah, “Nihin ah ralrinnak bia kan pekmi hna vialte hi nan lung chungah i chiah tuah u. Hi phungbia chung bia vialte cu, ṭha tein an tuah nakhnga, nan fale kha nawl pe hna u.

EXODUS 7:23

Faro cu aa thawh i a inn ah a ṭin, an tuahmi cu zeihmanh ah a relpiak hna lo.

HAGGAI 1:5

Cucaah hihi ralkapbu Bawipa nih a chimmi bia cu a si: Nan umtuning hi ruat hmanh u.

ISAIAH 46:8

Nannih misual mi hna, hihi philh hlah u; ka tuahmi kha ruat u.

2 SIANGPAHRANG 23:14

Cun lungphun kha a den cikcek hna i Asherim kha a hau hna i cu hmun ah cun mi ruh khat lak in a hlonh hna.

ISAIAH 44:18

Cu bantuk mi cu an hrut tuk, kan tuahmi kha zei a si ti awk an hngal lo. Biatak hngalh kha an duh lo, an mit an chinhkanh i an lungthin an kharkanh.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

HOSEA 4:12

Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.