ISAIAH 44:17 - Lai (Hakha) Common Language Bible 2006

¹⁷ Cu thing ṭhiamṭhiam a tangmi cun siasal pakhat a ser. A hmaiah a kun i a biak. A sinah thla a cam i, “Nangmah cu ka pathian na si, ka khamh tuah,” a ti.

ISAIAH 44:17 Referans Kwoze

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

DANIEL 6:27

Amah cu khamhtu, chuahtertu, hmelchunhnak le khuaruahharnak van le vawlei cungah a sertu a si, Amah nih Daniel cu chiandeih hna ṭhawnnak chungin a khamh cang,” a ti.

DANIEL 6:16

Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na ṭuan zungzalmi na Pathian nih khan an khamh ko lai,” tiah a ti.

DANIEL 3:29

Cucaah ahohmanh, mi zei miphun chung mi hmanh si ko uh, cun nan holh zong zei holh hmanh si ai kun, hi hna Shadrak le Meshak le Abednego hna Pathian a serhsatmi paohpaoh cu thlehbaoh dih nan si lai i nan inn kha chuh nan si lai, tiah keimah nih nawlbia ka chuah; zeicahtiah hi bantukin mi a khamh khotu pathian dang zeihmanh an um lo,” tiah a ti.

DANIEL 3:17

“Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;

ISAIAH 37:38

Ni khat cu a pathian Nisrok biakinn i pathian a biak lioah khan a fapa hna lak i pahnih Adrammelek le Sharezer nih an vainam in an thah i annih cu Ararat ram ah an zam. A dang a fapa pakhat Esarhaddon nih a chan i siangpahrang ah a cang.

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

LAMKALTU 19:27

Cucaah cun hi kan rian hi a min a chia cang lai tiah thinphan awk a si ko. Cu lawng hmanh cu si loin, a liannganmi khuazingnu Artemis, Asia ram chung le vawleicung dihlak ah mi kip nih an biakmi hi a lianhngannak hi a lo lai i a biakinn zong hi sullam ngei lo a si lai ti phan awk a si fawn,” tiah a ti hna.

1 SIANGPAHRANG 18:28

Cun annih nih fak piin an au i an phung bantukin fei le nam in anmah le anmah cu an thi pawt thluahmah in an i chun an i at.

ISAIAH 2:8

An ram cu siasal in a khat i anmah nih an kut in an ser chommi thil kha an biak hna.

ISAIAH 44:15

Thingkung kha a cheu cu tih awkah a hman i a cheu cu siasal sernak ah a hman. A cheu kha mei tih awkah a hman i cu a mei cu toh awk le rawl chuannak ah a hman. Cun a cheu kha pathian sernak ah a hman i cucu a biak.

ISAIAH 44:16

Thing a cheu cu mei tih awkah khan a hman, cu mei ah cun sa kha a chuan i a ei i a paw a khim. Mei cu a to i, “A lum i a va nuam dah!” a ti.

ISAIAH 46:6

Mi nih an tangka bawm kha an kau i sui kha an bungh hna; cuaithlainak in ngun kha an thlai hna. Sui soser pakhat kha pathian kan serpiak tiah an fial i cu hmaiah cun an kun i cucu an biak.

HOSEA 13:2

Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

JEREMIAH 2:27

Thingkung kha, ‘Nangmah cu ka pa na si,’ an ti i Lung kha, ‘Nangmah nih na ka hrin,’ an ti. Annih nih an hnulei an ka chit i an hmai kha an ka hoih lo. Sihmanhsehlaw harnak an ton ni ah cun, ‘Tho law, kan khamh tuah,’ an ti.

MIKAH 5:12

Nan eihthiam vialte kha ka hrawh dih hna lai i nan lakah camhthiam kha an um ti lai lo.

HABAKKUK 2:19

Rawk ding nan si ko cang! Thingtan cu naa thawh i “I hlau tuah,” na ti; Lungtum cu naa thawh i, “Tho tuah,” na ti. Siasal nih zeital an phuanpiak kho maw? Ngun le sui cun tuam a si ko lai, asinain a chungah nunnak a um lo.