ISAIAH 44:15 - Lai (Hakha) Common Language Bible 2006

¹⁵ Thingkung kha a cheu cu tih awkah a hman i a cheu cu siasal sernak ah a hman. A cheu kha mei tih awkah a hman i cu a mei cu toh awk le rawl chuannak ah a hman. Cun a cheu kha pathian sernak ah a hman i cucu a biak.

ISAIAH 44:15 Referans Kwoze

2 CHANRELNAK 25:14

Edom mi a thah hnanak khan a rat hnuah, Seir mi hna pathian kha a rak i phorh hna i a pathian ah aa chiah hna i a biak hna i an sinah pekchanhnak kha a tuah.

BIAPHUAN 9:20

Hi hremnak pathum nih a thah lomi, a taangmi minung hna nih khan, anmah nih an ser chommi thil kha an mertak hlei hna lo. Khuachia biak kha an ngol lo i sui le ngun le dar le lung le thing in sermi siasal, khua zong a hmu kho lomi, a theih zong a thei kho lomi, a kal zong a kal kho lo mi biak kha an ngol hlei fawn lo.

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

ISAIAH 44:10

Pathian bantukin biak awkah thir le dar in siasal ser rian cu pakpalawng rian a si.

BIACEIHTU 2:19

Sihmanhsehlaw biaceihtu cu a thih fate, annih cu an i mer ṭhan i an pale nakkhan chia deuh in an nung, pathian dang kha an zulh hna i an biak hna i an hmaiah an kun; an tuah tawnmi le lungkhong lam an zulh tawnmi kha pakhat hmanh an hlaw hna lo.

ISAIAH 44:14

Cu sernak i hman awkah sidar thing a va hau, asiloah kuhthing maw saipres thing maw tupi chungah khan a va thim. Cucu a duh lo ahcun lawril thing kha a cin in a cin hna i a ṭhantertu hna ding ruah kha a hngah.

ISAIAH 44:16

Thing a cheu cu mei tih awkah khan a hman, cu mei ah cun sa kha a chuan i a ei i a paw a khim. Mei cu a to i, “A lum i a va nuam dah!” a ti.

ISAIAH 44:17

Cu thing ṭhiamṭhiam a tangmi cun siasal pakhat a ser. A hmaiah a kun i a biak. A sinah thla a cam i, “Nangmah cu ka pathian na si, ka khamh tuah,” a ti.

ISAIAH 46:6

Mi nih an tangka bawm kha an kau i sui kha an bungh hna; cuaithlainak in ngun kha an thlai hna. Sui soser pakhat kha pathian kan serpiak tiah an fial i cu hmaiah cun an kun i cucu an biak.

ISAIAH 2:8

An ram cu siasal in a khat i anmah nih an kut in an ser chommi thil kha an biak hna.