ISAIAH 44:14 - Lai (Hakha) Common Language Bible 2006

¹⁴ Cu sernak i hman awkah sidar thing a va hau, asiloah kuhthing maw saipres thing maw tupi chungah khan a va thim. Cucu a duh lo ahcun lawril thing kha a cin in a cin hna i a ṭhantertu hna ding ruah kha a hngah.

ISAIAH 44:14 Referans Kwoze

ISAIAH 40:20

Sui le ngun aa damh kho lomi nih cun a rop kho lomi thing kha an i thim. Zungthiam mi kha an kawl hna i siasal cu rawk lo dingin an serter hna.

HABAKKUK 2:19

Rawk ding nan si ko cang! Thingtan cu naa thawh i “I hlau tuah,” na ti; Lungtum cu naa thawh i, “Tho tuah,” na ti. Siasal nih zeital an phuanpiak kho maw? Ngun le sui cun tuam a si ko lai, asinain a chungah nunnak a um lo.

HOSEA 4:12

Thingtan kha phuannak an hal hna i Funghreu nih khan hngalh an duhmi kha an chimh hna! Annih nih kei cu an ka hlawt cang; Nu hlawhhlangnu i aa cangmi bantukin annih cu pathian dang sinah khan an i pe cang.

ISAIAH 44:13

Lehtama nih khan thing kha a tah. A ser dingmi mui kha thungrang in a rin i a rinning cun a hriamnam in a saih. Minung mui in a ser, aa dawh ngai mipa mui in a ser i biakinn chungah an chiah.

ISAIAH 44:15

Thingkung kha a cheu cu tih awkah a hman i a cheu cu siasal sernak ah a hman. A cheu kha mei tih awkah a hman i cu a mei cu toh awk le rawl chuannak ah a hman. Cun a cheu kha pathian sernak ah a hman i cucu a biak.