ISAIAH 44:13 - Lai (Hakha) Common Language Bible 2006

¹³ Lehtama nih khan thing kha a tah. A ser dingmi mui kha thungrang in a rin i a rinning cun a hriamnam in a saih. Minung mui in a ser, aa dawh ngai mipa mui in a ser i biakinn chungah an chiah.

ISAIAH 44:13 Referans Kwoze

ROM 1:23

thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.

LAMKALTU 17:29

Kannih cu Pathian fa kan si caah, minung nih an fimnak le an thiamnak in an sermi sui milem maw, ngun milem maw, lung milem maw ah khan, Pathian cu kan ruah awk a si lo.

EZEKIEL 8:12

A ka thawh i, “Israel mi upa hna nih mui lak i an tuahmi khi na hmu maw? Anmah cio nih an i suaimi milem an chiahnak ah hmunthiang cio i an tuahmi khi? Annih nih cun Bawipa nih a kan hmu lo tiah an ruah i ram hi a hlawt cang, tiah an ruah.

ISAIAH 41:7

Lehtama nih sui serpa kha, “Na tuahmi a ṭha,” a ti. Siasal a milhtu nih khan siasal cu hmunkhat ah thir in a funtomtu kha, na lung ṭhawng ko, a ti. Pakhat nih, ‘Na senghnak cu a ṭha ko,’ a ti i annih nih siasal cu thir in a umnak ding hmun ah khan an khenh chih.

BIACEIHTU 18:24

Cun anih nih, “Ka sermi ka pathian hna le tlangbawi cu nan i lak i nan kal, zeidah ka ngeih ti kun? Cucaah zeitindah nannih nih, ‘Na zeidah a ti?’ tiah nan ka ti?” tiah a ti.

DEUTERONOMI 27:15

“ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai.

DEUTERONOMI 4:28

Cun khika ah thing le lung in sermi pathian, minung kut sermi, hmuh zong a hmu kho lomi, theih zong a thei kho lomi, ei zong a ei kho lomi, rim zong a hnim kho lomi cu nan biak hna lai.

GENESIS 35:2

Cucaah Jakob nih cun a innchungkhar le a sin i a ummi kha an dihlak in, “Nan i chiahmi ramdang pathian kha hlonh dih hna u; i thianh u law thil thiang i hruk u.

GENESIS 31:32

Cun hika i a ummi aho sin hmanh ah na pathian cu na hmuh hna ahcun, cu pa cu thah a si lai. Kan mi hna hmuh hngan te ah hin, na ta a simi paoh cu kawl law i lak hna,” tiah a leh. Rachel nih a fir hna kha Jakob nih a hngal lo.

GENESIS 31:30

Inn tlun naa ngaih tuk cang caah na kal ti cu ka hngalh, asinain zeicahdah ka pathian kha naa fir hna?” a ti.

GENESIS 31:19

Laban cu a tuu hmul meh ah khan a kal i a um lo karah a pa ta a simi an chungkhar pathian hna kha Rachel nih a rak fir hna.

ISAIAH 44:14

Cu sernak i hman awkah sidar thing a va hau, asiloah kuhthing maw saipres thing maw tupi chungah khan a va thim. Cucu a duh lo ahcun lawril thing kha a cin in a cin hna i a ṭhantertu hna ding ruah kha a hngah.

EZEKIEL 8:10

Cucaah ka vung lut i khika ah a lawn in a lawnmi saram hna le fihnung a simi saram hna le rungrul cangcel hna hmanthlak hna kha ka hmuh hna; cun Israel mi siasal hna cu vampang ah khan an i suai liangluang ko.

EZEKIEL 8:11

An hmaiah cun Israel mi upa sawm sarih an dir i an laifang ah cun Safan fapa Jaazaniah kha a dir, pakhat nih zihmui kheng pakhat cio an i put i cu kheng chung cun rimhmui khu an chuak.