ISAIAH 41:4 - Lai (Hakha) Common Language Bible 2006

⁴ Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? Bawipa cu a hramthawknak i a rak ummi kha ka si i Bawipa cu a donghnak i a um laimi zong ka si.

ISAIAH 41:4 Referans Kwoze

BIAPHUAN 22:13

Kei cu Alfa le Omega kha ka si, hmasa bik le hmanung bik, hramthawknak le donghnak ka si,” a ti.

ISAIAH 48:12

“Ka thimmi Israel mi hna, ngai tuah u, keimah lawnglawng hi Pathian ka si, a hmasa bik le a hmanung bik ka si.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

ISAIAH 41:26

Nan chimmi kha ahmaan taktak tiah kan in ti khawh hna nak dingah, hitihin thil a um te lai tiah aho tal nih nan rak kan chim in, aho tal nih nan rak chim chung kho maw? Cu kong cu ahohmanh nih nan rak chim kho lo, nan chimmi ahohmanh nih an thei lo!

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

ISAIAH 43:10

“Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

LAMKALTU 17:26

Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

ISAIAH 42:24

Aho nih dah Israel cu thil chuttu hna kut chungah khan a chanh? Bawipa hrimhrim kha a si, a cung i sualnak kan tuahmi Bawipa kha a si. Cuticun nung hna seh a kan tining in kan nung duh lo, a kan cawnpiakmi zong kha ka ngai lo.

BIAPHUAN 2:8

“Smyrna khua i a ummi Khrihfabu vancungmi sinah hitihin va ṭial tuah: Hi bia hi a hmasa bik le a hmanung bik a simi, a thi i a nung ṭhanmi bia a si.

BIAPHUAN 1:11

A ka thawh i, “Na hmuhmi kha ṭial law na ṭialnak cauk cu Khrihfabu pasarih kha kua hna: cu Khrihfabu hna cu Efesa khua le Smyrna khua le Pergamum khua le Thiatira khua le Sardis khua le Filadelfia khua le Laodisia khua i a ummi kha an si,” tiah a ti.

ISAIAH 40:12

Aho tal nih rilipi ti khi a zapei kuar in a tah kho maw? van khi tah a khap in a tah khotu aho tal an um maw? Vawlei hi tah aho nih dah hrai pakhat chungah a vawlei a khumh dih khawh? Asiloah, fing le tlang vialte hna hi aho nih dah cuaithlainak in a thlai khawh hna?

LAMKALTU 15:18

Cuticun Bawipa, hlanlio piin thil a rak chimtu nih cun a ti.’

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

ISAIAH 40:26

Van khi zoh tuah u! Nan hmuhmi arfi khi aho nih dah a ser hna? Ralkapbu bantukin a hruaitu hna nih khin a ser hna; zeizat an si kha a hngalh i an dihlak in an min in a auh hna! A ṭhawnnak cu a lianngan hringhran ko — pakhat hmanh an tlau bal lo!

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

SALM 102:27

sihmanhsehlaw nang cu zungzal in nangmah bon na si ko i na nunnak a dong lo.

ISAIAH 41:3

A dawi thluahmah hna i a khul a ran tuk caah a ke nih vawlei hmanh kha a tawng set lo.

ISAIAH 43:13

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

SALM 102:28

Kan fale cu him tein khua an sa lai i an tefa hna cu nangmah nih zungzal in na huhphenh hna lai.

ISAIAH 41:20

Mi nih khan cucu an hmuh lai i Bawipa nih ka tuahmi a si kha an hngalh lai. Cu thil a umtertu cu Israel Pathian thiang ka si kha an hngalh lai,” a ti.