ISAIAH 34:1 - Lai (Hakha) Common Language Bible 2006

¹ Miphun vialte hna, ra tuah u. I pum u law ka bia ngai tuah u. Vawlei dihlak le a cung i a ummi vialte kha hika ah hin ra hna seh law ka bia cu ngai hna seh.

ISAIAH 34:1 Referans Kwoze

1 KORIN 10:26

Zeicahtiah Cathiang zong nih pei, “Vawlei le a cung i a ummi thil vialte cu Bawipa ta an si,” a ti cu.

ISAIAH 43:9

Biaceihnak hmun i chuah awkah miphun dang kha au hna u. An pathian aho tal nih hmailei thil kong an chimchung kho maw? Atu i a um liomi thil hi aho tal nih an rak chimchung kho maw? Hi pathian hna nih hin, kan chimmi cu a hmaan i kan bia cu biatak a si ti langhternak caah tehte rak i chuahpi hna seh.

ISAIAH 41:1

Pathian nih, “Lamhlatpi i a ummi ram hna, dai tein um u law ka bia ngai tuah u. Biaceihnak hmun i nan bia chim awkah i tim tuah u. Chimnak caan nan ngei lai. Ahodah a hmaan ti khiah awkah hmunkhat ah ṭhu ṭi tuah u sih.

ISAIAH 1:2

Bawipa nih aa thawh i, “Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

JEREMIAH 22:29

Maw ram, ram, ram, Bawipa nih a chimmi cu ngai tuah.

ISAIAH 33:13

Lamnai i a ummi nih si hna seh, lamhla i a ummi nih si hna seh, ka tuahmi kha thei hna seh law ka ṭhawnnak kha hngal hna seh,” a ti.

DEUTERONOMI 32:1

“Maw van hna, nan hna rak chi tuah u, ka chim lai; Ka kaa in a chuakmi bia kha vawlei nih thei seh.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

ISAIAH 49:1

Lamhlatpi i a ummi miphun hna, ram hlapi i a ummi hna, ka bia ngai tuah u. Ka chuah hlan in Bawipa nih a ka thim i a sal si awkah a ka fial.

ISAIAH 18:3

Vawlei cung i a ummi vialte hna, ngai tuah u. Tlang par ah hmelchunhnak alan an tar kha rak zoh tuah u. Muko tum thawng cu rak ngai tuah u,

SALM 96:10

Miphun vialte kha, “Bawipa cu siangpahrang a si, Vawlei cu a umnak hmun ah hninh khawh loin fek tein a bunh, mi vialte kha dinnak in bia a ceih hna lai,” tiah chim hna u.

SALM 50:1

Lianngan Bik Pathian Bawipa nih bia a chim; vawlei cu a dihlak in nichuahlei in nitlaklei tiang a auh.

SALM 24:1

Vawlei le a chung i a ummi thil vialte hi Bawipa ta an si, vawlei le a cung i a ummi minung vialte zong hi amah ta kan si dih.

BIACEIHTU 5:31

“Cu bantukin na ral vialte cu, maw Bawipa, rawk dih hna seh! Sihmanhsehlaw na hawikom hna cu, Ni khi a ṭhawnnak in a chuah bantuk khi si hna seh.” Cun ram cu kum sawm li chung aa din.

BIACEIHTU 5:3

“Ngai tuah u, maw siangpahrang hna, nan hna chi tuah u, maw bawi hna; Bawipa cu hla in ka hloi lai, Bawipa, Israel Pathian cu aw dawh in ka thangṭhat lai.

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

GENESIS 6:13

Cun Pathian nih Noah cu a thawh i, “Minung hi an dihlak in hrawh awkah ka ruah cang. An dihlak in ka hrawh hna lai, zeicahtiah vawlei hi sualnak an tuahmi in a khat.

ISAIAH 48:16

Cucaah ka naih u law ka chimmi kha ngai tuah u. A hramthawk tein hlangfang in kan chimh hna i ka bia cu ka tlinter zungzal,” a ti. (Atu cu Bawipa Pathian nih a ṭhawnnak kha a ka pek i a ka thlah.)

EZEKIEL 38:17

Hihi Bawipa Pathian bia a si. Hlan lioah ka profet hna kaa in bia ka chim tikah, Israel mi doh awkah ka kalpi lai, ka rak timi cu nangmah hi na si.

OBADIAH 1:1

Obadiah nih a chimmi bia: Mah hihi Bawipa Pathian nih Edom kong ah a chimmi bia a si. Bawipa nih miphun hna sinah lamkal a thlah i, “I hlau tuah u; Edom doh awkah i hlau tuah u sih,” tiah lamkaltu nih cun a ti tikah, Hi bia hi Bawipa sin khan ka theih.

ISAIAH 63:1

“Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.

JEREMIAH 49:7

Hihi Edom kong ah Ralkapbu Bawipa nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?