ISAIAH 31:6 - Lai (Hakha) Common Language Bible 2006

⁶ Pathian nih, “Israel mi hna, fak piin ka thin nan ka hunter i nan ka doh. Sihmanhsehlaw atu cu ka sinah ra kir cang ko u.

ISAIAH 31:6 Referans Kwoze

JEREMIAH 3:22

Maw a tlaumi ka fale hna, ka sinah ra kir u, Nan tlaunak kha kan damter hna lai. Maw Bawipa, na sinah kan ra, nangmah sinah kan ra; Zeicahtiah nangmah cu kan Pathian na si.

JEREMIAH 3:14

Maw zumh awk tlak lo fale hna, ra kir tuah u, tiah Bawipa nih a ti; Zeicahtiah keimah cu nan Bawipa ka si; Nanmah cu khua khat chungin pakhat, innchungkhar pakhat chungin pahnih in kan lak hna lai i Zion ah kan kalpi hna lai.

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

JEREMIAH 5:23

Sihmanhsehlaw hi mi hna hi cu an lung a khong i doh duhnak lungthin an ngei, Ral thawh hmangmi an si i atu cu an luan diam cang.

ISAIAH 48:8

Rinh awk tlak na si lo cu ka hngalh, na chuahka in midohhmang na si cu hngalh a si. Hi ti na rak si ruangah hin hi kong na theih bal lonak le bia pakhat hmanh na hna a phak bal lonak cu a si.

ISAIAH 29:15

Bawipa nih hmu hlah seh, tiah an khuakhannak a thupmi hna cu an lo cang. An i timhmi cu a thli tein an ṭuan i, kan tuahmi cu ahohmanh nih an hmu lai lo i an hngal lai lo, tiah an ruah.

2 CHANRELNAK 36:14

Tlangbawi hna lak i haotu deuhdeuh hna le mi zapi hna zong kha, cu bantuk cun zumhtlaklo ngaiin an um i miphun hna thil fihnung vialte kha an zulh ve; cun Jerusalem ah a thiantermi Bawipa inn kha a thurhhnawmh.

JOB 22:23

Lianngan Bik sinah na kir ṭhan i na lung na ṭhumh i Na inn chungin dinlonak kha na dawi i

ISAIAH 1:2

Bawipa nih aa thawh i, “Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

ISAIAH 44:22

Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si,” a ti.

EZEKIEL 18:31

Thil ṭhalo nan tuahmi kha hlonh hna u law lungthin thar le thlarau thar i lak u.

EZEKIEL 18:32

Zeicahdah nan thih lai ee, Israel mi hna? Ahohmanh nan thih cu ka duh ṭung lo, tiah Bawipa Pathian hrimhrim nih a ti,” tiah a ti.

JEREMIAH 3:12

Va kal law hi bia hi chaklei ah va thanh law hitihin va ti: Zumhawktlak lo Israel, ra kir tuah, tiah Bawipa nih a ti; Nangmah cu thinhunnak in kan zoh ti lai lo, Zeicahtiah kei cu zaangfah thiammi ka si, tiah Bawipa nih a ti; Zungzal in ka thin a hung lai lo.