ISAIAH 30:27 - Lai (Hakha) Common Language Bible 2006

²⁷ Bawipa lianhngannak le sunparnak cu lamhlatpi in hmuh khawh a si. Mei le meikhu in a thinhunnak kha a lang. Bia a chim i a bia cu mei bantukin a alh.

ISAIAH 30:27 Referans Kwoze

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

2 THESALON 2:8

Khi tikah Miṭhalo Pa kha a hung chuak lai i Bawipa Jesuh nih a kaa in a chuakmi thaw in a thah lai i Bawipa Jesuh a rat tikah a ceumi a sunparnak in amah cu a hrawh lai.

ZEFANIAH 3:8

Cun Bawipa nih, “Ka hngak tuah, miphun hna sual ka phawt hna ni kha, hngak tuah. Miphun hna le siangpahrang hna kha ka thinhunnak toih awkah ka lung kaa thlek cang. Vawlei hi a dihlak in ka thinhunnak mei nih a kangh lai.

DANIEL 7:9

Ka zoh ko lioah khan bawi ṭhutdan hna cu an hun hun hna i zungzal in a nungmi cu ṭhutdan cungah khan a hung ṭhu. A puan cu hawhra bantukin a rang i a sam cu tuuhmul thiang bik bantukin a thiang. A bawiṭhutdan cu meizik lengkekual cungah hun a si i meizik kha an chuak i a ṭhutdan cu meialh nih a tuam.

ISAIAH 66:14

Hi thil a hung um tikah nan lung aa lawm lai; an ṭhawnter hna lai i nan ngan an damter hna lai. Cucaah Bawipa keimah nih ka nawl a ngaimi cu ka bawmh hna i ka ral cu ka thinhunnak ka chuahhnawh hna ti kha nan hngalh lai,” a ti.

ISAIAH 59:19

Nichuahlei in nitlaklei tiang, mi kip nih an ṭih lai i a ṭhawnnak a nganmi kha an hmaizah lai. A hlonh in aa hlonhmi tiva bantukin a ra lai, a ṭhawngmi thlitu bantukin a ra lai.

ISAIAH 34:9

Edom ram tiva cu kattaza ah an cang lai i a vawlei cu kat ah a cang lai. Ram cu a ning piin kattaza kangh in a kang lai.

ISAIAH 33:12

Thung ser awkah an khanghmi lung bantukin nan mot lai i vutcam ah cang lakin a kangmi hlingbur bantukin nan lo lai.

ISAIAH 10:5

Bawipa nih aa thawh i, “Ka thin a ka huntertu hna dantatnak caah Assiria cu thingtan bantukin ka hman.

ISAIAH 9:5

A dohtu hna ralkapbu kedan vialte le thisen aa nehmi an hnipuan vialte cu mei in hrawh an si dih lai.

SALM 79:5

Bawipa, zei can dah kan cungah na thin a hun lai? Zungzal in maw a hun ko lai? Na thinhunnak cu zungzal in maw mei bantukin a alh ko lai?

DEUTERONOMI 33:2

Amah nih, “Sinai in Bawipa cu a ra, Seir in kan cungah a rung tlang, Paran Tlang in a rung ceu, Mithiang thong hra hna sinin a ra, A orhlei kut in a alhmi mei aa put i a ra.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

DEUTERONOMI 4:24

Zeitintiah Bawipa nan Pathian cu tlumral lak kangh hmang mei, nahchuak Pathian a si.

ISAIAH 13:5

Lamhlatpi i a ummi ram vanhramdeng in a rami an si. A thinhun in ram cu a pumpi in Bawipa nih a hrawh lai.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

ISAIAH 66:15

Bawipa cu mei he a ra lai. A thin a huntertu hna dantat awkah ṭotho a run i cit lai i a ra lai.

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

EZEKIEL 22:31

An cungah ka thinhunnak kha ka bungh i ka thinlinhnak mei chungah khan annih cu ka hrawh cikcek hna. Cuticun annih nih hmuh awkah an i tlakmi dantatnak cu an cungah ka tlunter,” tiah Bawipa Pathian nih a ti.

DANIEL 7:10

A rianṭuantu dingah mi a thongthong in an um i a hmaiah cun a nuainuai in an dir. Biaceihnak cu hun timh a si i cauk cu an hun kau hna.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.