ISAIAH 29:15 - Lai (Hakha) Common Language Bible 2006

¹⁵ Bawipa nih hmu hlah seh, tiah an khuakhannak a thupmi hna cu an lo cang. An i timhmi cu a thli tein an ṭuan i, kan tuahmi cu ahohmanh nih an hmu lai lo i an hngal lai lo, tiah an ruah.

ISAIAH 29:15 Referans Kwoze

EZEKIEL 8:12

A ka thawh i, “Israel mi upa hna nih mui lak i an tuahmi khi na hmu maw? Anmah cio nih an i suaimi milem an chiahnak ah hmunthiang cio i an tuahmi khi? Annih nih cun Bawipa nih a kan hmu lo tiah an ruah i ram hi a hlawt cang, tiah an ruah.

ISAIAH 47:10

“Na ṭhat lonak chungah hnangam in na um ko; ahohmanh nih an ka hmu lo, tiah na ruah. Na fimnak le na hngalhnak nih a pingah an in hruai i nangmah le nangmah cu, ‘Pathian ka si — keimah bantuk midang ahohmanh an um lo,’ naa ti.

ISAIAH 30:1

Bawipa nih aa thawh i, “Keimah kha an ka doh caah Judah ram a uktu hna cu an lo cang. Ka khuakhanmi a si lomi kha an zulh i ka duh lo nain hnatlak ṭinak an tuah, sualnak pakhat cungah a dang pakhat an chap chin lengmang.

MALAKHI 2:17

Nan bia in Bawipa cu nan nor cang. Nan i thawh i, “Zeitindah kan nor?” nan ti. Ṭhat lonak a tuahtu vialte hna hi Bawipa mithmuh ah cun an ṭha ko i an cungah a lung aa lawm ko, nan tinak le, khuazei ah dah biading Pathian cu a um, nan tinak thawng hin nan nor cu a si.

ZEFANIAH 1:12

Khi caan ah Jerusalem cu meiinn he ka kawl lai i An zu ne a rak ri i a rak i ṭhutpi ko i, “Bawipa nih cun a ṭha zong a chia zong zeihmanh a tuah lai lo,” tiah a timi hna kha dan ka tat hna lai.

EZEKIEL 9:9

Cun a ka leh i, “Israel mi le Judah mi ṭhat lonak cu a ngan hringhran ko; ram cu lainawnnak in a khat i khuapi cu dinlonak in a khat. Hi ram hi Bawipa nih a hlawt cang tiah an ruah. Bawipa nih zeihmanh a hmu lo, tiah an ruah.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

ISAIAH 28:15

Thihnak he hnatlaknak kan tuah cang i mithi khua he biakamnak kan tuah cang tiah nan i porhlaw. Lih le hlennak nih an kan huhphenh khawh lai tiah nan i bochan hna caah harnak a tlun tikah kan luat lai tiah nan i ruat.

SALM 59:7

An chimmi bia cu ngai tuah! An lei cu an kaa chungah vainam bantuk an si nain an i thawh i, “Aho nih dah a kan theih lem lai?” an ti.

JOB 34:22

Thil ṭhalo tuahtu hna an i thuh khawhnak dingah Thihnak thladem a um lo i a thukmi muihnak zong a um lo.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

ISAIAH 57:12

Nan tuahmi cu ahmaan tiah nan ruah, sihmanhsehlaw nan ziaza kha kan hlih hna lai i nan siasal nih khan an in khamh kho hna lai lo.

SALM 73:11

An i thawh i, “Pathian nih cun a hngal lai lo, Cungnung Bik nih cun a hmu lem lai lo,” an ti.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

JOHAN 3:19

Biaceihning cu hitihin a si: ceunak cu vawlei cung hi a rung phan ko cang, sihmanhsehlaw mi nih thil ṭhalo kha an tuah caah ceunak nakcun muihnak tu kha an duh deuh.

ISAIAH 28:17

A hram a phei lei in an tahnak hri cu dinnak a si lai i a tunglei in an tahnak hri cu lihchim lonak a si lai. Sihmanhsehlaw nan i hngatchanmi lih bia cu rial he a rami ṭotho nih a choih dih lai i nan himnak cu tilian nih a fenh dih lai,” a ti.

SALM 83:3

Na mi hna tuknak dingah a thli in khua an khang i nangmah nih na huhphenhmi hna doh awk kha an i tim.

EZEKIEL 8:8

A ka thawh i, “Mipa, awng kha khoih tuah,” tiah a ka ti i

HOSEA 5:2

Shittim i cawhmi khor thuk ah nan i cang cang; Sihmanhsehlaw nan dihlak in dan kan tat ko hna lai.

2 SAMUEL 11:27

Cun a ngaihnak kha a dih tikah, David nih a hei cah i a inn ah a ratter i a nupi ah a cang i fapa a hrinpiak. Sihmanhsehlaw David tuahmi thil nih cun Bawipa kha lunglawm loin a tuah.

2 SIANGPAHRANG 17:9

Cun Israel mi nih khan a thli tein a dik lomi thil kha Bawipa an Pathian cungah an tuah. An khua kip ah khan, ralvennak innsang thawk in kulhmi khua tiang, khuahrumbo kha an i ser.