ISAIAH 29:11 - Lai (Hakha) Common Language Bible 2006

¹¹ Profet nih an hmuhmi langhnak sullam cu thuhkanh nan si lai, cakhenhnak in khenh chihmi cazual bantuk a si lai. A rel a thiammi sin i nan va kalpi i, kan relpiak tuah, nan va ti tikah, aa hrenh caah ka rel kho lo, a rak in ti hna lai.

ISAIAH 29:11 Referans Kwoze

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

DANIEL 12:4

Sihmanhsehlaw Daniel, hi bia cu bia thli ah chia hna law donghnak caan a phak hlantiang cauk cu phit ko. Mi tampi cu lungdong in an um lai i dantatnak cu a rit ngaingai lai,” tiah a ti.

ISAIAH 8:16

Pathian nih a ka pekmi bia kha ka zultu hna nih ṭha tein an zohkhenh awk le an i ken awk a si.

DANIEL 12:9

Cun a ka leh i, “Daniel va kal ko, zeicahtiah hi bia hna cu donghnak caan a phak hlantiang biathli le biathup ah chiah awk an si.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

BIAPHUAN 6:1

Cun Tuufa nih cakhenh pasarih chung i pakhatnak a phoih kha ka hmuh. Cun saram nung pali hna lak i pakhat nih khan khuari thawng bantuk a simi aw in, “Ra,” a ti kha ka theih.

MATTHAI 16:17

Jesuh nih cun, “Johan fapa Simon, mi vanṭha ngaingai na si! Zeicahtiah hi biatak cu minung sinin na hngalhmi a si lo i vancung i a ummi ka Pa nih an pekmi a si.

ISAIAH 28:7

Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

ISAIAH 29:12

A rel a thiam lomi sin i nan va kalpi i kan relpiak tuah, nan va ti tikah, kei cu ca rel ka thiam lo caah ka rel kho lo, a rak in ti hna lai.

ISAIAH 29:18

Cu ni a phak tikah cun, thang piin an relmi cauk chung bia cu hnachet nih a theih khawh lai i muihnak chungah a ummi mitcaw kha an mit a dei lai i khua an hmu kho lai.