ISAIAH 29:10 - Lai (Hakha) Common Language Bible 2006

¹⁰ Bawipa nih an ngutter hna i thu hluahmah in nan i hngilh dengmang cang. Profet cu nan mit an si awk a si, sihmanhsehlaw Pathian nih cu nan mit cu an mit a huh hna.

ISAIAH 29:10 Referans Kwoze

ROM 11:8

Cathiang nih, “Pathian nih an lung a pinter hna; nihin ni tiang hrimhrim hin an mit in an hmu kho lo i an hna in an thei kho lo,” a ti bang khan a si taktak.

ISAIAH 44:18

Cu bantuk mi cu an hrut tuk, kan tuahmi kha zei a si ti awk an hngal lo. Biatak hngalh kha an duh lo, an mit an chinhkanh i an lungthin an kharkanh.

ISAIAH 30:10

Profet pawl kha, dai tein um ko u, an ti hna. An thawh hna i, “Zeidah a ding ti kha kan chim hlah u, theih kan duhmi kha ta nan kan chimh ko. Kan i ruahning in va um ko u sih.

1 SAMUEL 9:9

(Hlan lioah cun Israel mi hna lak i pakhatkhat nih Pathian kha hal an duh ahcun, “Ra tuah, hmutu sinah kal u sih,” tiah an rak ti tawn, zeicah tiah atu i profet timi hi hlanah cun hmutu ti a rak si.)

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

MIKAH 3:6

Ka mi hna cu a pingah nan hruai hna caah langhnak zeihmanh nan hmu ti lai lo i zeihmanh nan rak chimchung kho ti fawn lai lo. Profet hna, nan ni cu a dong dengmang cang; ni nih an liamtak dengmang cang hna.

EZEKIEL 14:9

Profet pakhatkhat cu biachim khan leem khawh a si ahcun, a lemtu cu Bawipa ka si, ka kut ka chuah lai i amah cu Israel mi chungin ka chuah lai.

SALM 69:23

An mit cawtter hna law khua hmu kho hna hlah seh; an keng cu derthawm zungzal hna seh.

1 SAMUEL 26:12

Cucaah David nih Saul lu hram khan fei le hranthawl kha a lak hna i an kal. Ahohmanh nih cucu an hmu lo, a hngalh zong an hngal lo, ahohmanh zong an i hlau lo zeitintiah Bawipa sinin mitkuh thut kha an cungah a tlung i an i hngilh dih.

MIKAH 3:1

Cun kaa thawh i, “Nannih Jakob hruaitu hna, Israel uktu hna, ngai tuah u, A dingmi thil a duhtu kha nan si awk a si,

ISAIAH 29:14

Cucaah cun a tlung lai tiah a ruah in an ruah hrimhrim lomi thil kha pakhat hnu pakhat in an cungah ka tlunter lai i cu nih cun a hlauh in an hlauh hna lai. An mifim cu mihrut ah an cang lai i an fimnak cu an caah zeihmanh ṭhathnemnak a ngei lai lo,” a ti.

ISAIAH 43:27

Nan pupa hmasa bik hna nih sualnak an rak tuah, nan hruaitu pawl nih ka cungah sualnak an tuah.

JEREMIAH 4:9

Khi ni ah cun siangpahrang le bawi hna cu an thin a phang lai i tlangbawi hna cu an khuaruah a har lai i profet hna cu an lung a dong lai, tiah Bawipa nih a ti.

ṬAHNAK HLA 4:14

Lam ah khan mitcaw bantukin an i chawk i thi kha an i neh tuk hringhran caah An puan hmanh kha mi nih tongh an duh lo.

MIKAH 2:6

Mizapi nih an i thawh i, “Phung kan chim len hlah; cu bantuk kong hoi hna cu kan chim len hlah. Pathian nih cun ningzahnak ah a kan phakter lai lo.