ISAIAH 25:6 - Lai (Hakha) Common Language Bible 2006

⁶ Hi Zion Tlang cungah hin Ralkapbu Pathian nih vawlei cung miphun vialte caah rawl danghnak a timh lai — cu rawl danghnak cu rawl thaw bik le zu thaw bik in a timh lai.

ISAIAH 25:6 Referans Kwoze

MATTHAI 8:11

Hihi va philh hlah u: Nichuahlei le nitlaklei in mi tampi an ra te lai i Vancung Pennak chungah cun rawldanghnak cabuai ah Abraham le Isak le Jakob hna he tiah an ṭhu ṭi lai.

SALM 63:5

Ka nunnak cu rawldangh bantukin aa dang lai i a khim lai, cun nangmah thangṭhat lawmhnak hla kha ka sa lai.

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.

LUKA 22:30

Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

ZEKHARIAH 8:3

Cun Bawipa nih, “Atu cu Zion ah khan ka ra kir ṭhan cang i Jerusalem ah khan ka um lai. Jerusalem cu Zumhtlak Khualipi ti a si lai i ralkapbu Bawipa tlang cu Tlang Thiang ti a si lai.” tiah a ti.

ISAIAH 1:19

Ka bia nan ka ngaih paoh ahcun, ram nih a chuahtermi thil ṭha kha nan ei hna lai.

MATTHAI 26:29

Hihi kan chimh hna: Ka Pa Pennak chungah nanmah he a thar in ka din ṭhan hlantiang hi mitsur hang hi ka ding ti lai lo,” tiah a ti.

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

SALM 78:68

Judah phun tu kha a thim i a duh ngaingaimi Zion Tlang tu kha a thim.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

SOLOMON HLA 1:4

Zaṭial kut in ka hruai law kal hawl si, Mangbawi phunsang na suan run remh dal, chungchin ah ka luhpi ai law. Nang hnen ah cun kan meremte le lungriam in, Na vel ṭha cu mitsur hang nakin hei thangṭhat deuh sih, Ai! nang cu leng duhran cem na si.

SOLOMON HLA 1:2

Ra ka hnam law duh ai ing, Na dawtnak nih mitsur hang thlum hluan,

LUKA 5:39

Cun mitsur hang a hlunmi din hnuah ahohmanh nih a thar kha an duh lo. ‘A hlun kha a thar nakin a thaw deuh,’ an ti,” tiah a ti.

JEREMIAH 48:11

Mitsur hang a ne a tho bal lomi bantukin Moab hi hnahnawh lo tein a um zungzal ko; Um khat hnu um khat i tlennak kha a tong lo, Saltannak kha a tong lo; Cucaah a thawtnak kha a chungah a tang i a rim zong aa thleng lo.

MARKA 16:15

A thawh hna i, “Vawlei cung khuazakip ah va kal u law miphun kip kha thawngṭhabia va chim hna u.

SALM 36:8

Na inn in a chuakmi rawl kha duhdim tein an ei i na ṭhatnak tiva chung khan ti na pek hna.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.