ISAIAH 23:15 - Lai (Hakha) Common Language Bible 2006

¹⁵ Tair cu kum sawm sarih chung philh a si caan a phan lai, kum sawm sarih cu siangpahrang chan chan khat a si. Cu kum cu a dih tikah Tair cu hla i a cuangmi hlawhhlangnu bantuk a si lai. Cu hla cu hihi a si:

ISAIAH 23:15 Referans Kwoze

JEREMIAH 25:22

Tair le Sidon siangpahrang vialte hna; Mediterranean rili ram i siangpahrang vialte hna;

BIAPHUAN 17:10

Panga cu an ril cang, pakhat cu atu hi siangpahrang a si lio a si i a dang pakhat cu a ra rih lo; a rat tikah caan tlawmte lawng a um lai.

HOSEA 2:15

Khika ah a mitsur dum cu ka pek ṭhan lai, Harnak Horkuang cu Ruahchannak Kutka ah ka ser lai i Izipt ram in a chuah i a no lio bantuk khan khika ah a ka leh lai.

DANIEL 8:21

mehehtum kha Grik pennak a si i a mit pahnih karlak i a nganmi a ki kha a siangpahrang hmasa bik a si.

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

EZEKIEL 29:11

Mi ke zeihmanh nih a pal lai lo i saram zeihmanh nih an pal fawn lai lo; a chungah mi um loin kum sawm li chung a um lai.

EZEKIEL 27:25

Tarshish sangphawlawng hna cu a runrun in na cawkmi thil a hun phortu an si; Rilipi cungah na lawng hna cu thil tampi phor in an thil a rit ko.

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

ISAIAH 23:16

Na tingtang kha i lak law khua chungah i chawk tuah, maw philh cangmi hlawhhlangnu. A rak in duhtu pawl kha na lem ṭhan khawh hna nakhnga tingtang cu i tum law na hla cu sa tuah hna.”

ISAIAH 23:17

Kum sawm sarih a dih tikah Bawipa nih Tair cu a rak ṭuan tawnmi a rian hlawhhlan rian ah khan a kirter ṭhan lai i vawlei cung ram dihlak ah khan a kal ṭhan lai.

EZEKIEL 16:35

“Cucaah maw hlawhhlangnu, Bawipa bia cu ngai tuah. Mah hihi Bawipa Pathian bia cu a si: Na luannak ah hin na tlau cang, an duhtu hna he sualnak na tuahnak ah na pum cu naa langh cang. Fih a nungmi na siasal hna le annih sin pek awkah na thahmi ngakchia hna lehrulhnak ah,