ISAIAH 12:1 - Lai (Hakha) Common Language Bible 2006

¹ Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

ISAIAH 12:1 Referans Kwoze

SALM 30:5

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

ZEKHARIAH 14:9

Cun Bawipa cu vawlei cung vialte siangpahrang a si lai; khi ni ah cun Bawipa lawnglawng cu Bawipa a si lai i a min lawnglawng cu min a si lai.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 14:3

Bawipa nih Israel mi cu fahnak le temhnak an inmi chung le an duh na lo i an hnekmi hna rian chung khan dinhnak a pek hna lai.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

ROM 11:15

Zeicahtiah annih cu hlawt an si hmanh ah pei vawlei cu Pathian hawikom i ser a si cu. Cucaah cun annih cu cohlan an si tikah cun zeidah a si chinchin lai? Mithi hna caah nunnak a si lai.

ZEKHARIAH 14:20

Khi ni ah cun raltuknak rangtum cung i dar khi-ing kha, “Bawipa caah a thiang,” tiin ṭialmi pakhat hmanh a um ti lai lo i Bawipa inn chung i a ummi um hna cu biakṭheng hmai i khengkuar bantuk an si lai.

HOSEA 11:8

Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

ISAIAH 66:13

Nu nih a fa a hnemh bantukin Jerusalem khua chungah kan hnemh hna lai.

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

ISAIAH 11:16

Assiria ram chung i a tangmi a mi hna caah khan, an pupa nih Izipt ram in an rak zam tikah Bawipa nih lam nganpi a serpiak hna bang khan, Assiria ram chung cun lam nganpi pakhat a um lai.

ISAIAH 10:25

Dantatnak kan pekmi hna cu caan tawite chungah ka dihter lai i cun annih cu ka hrawh hna lai.

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 10:4

Raldohnak hmun ah nan thi lai, asilole sal ah an in kalpi hna lai. Cu ti a si na hmanh cun Bawipa thinhunnak cu a dong lai lo i dantatnak pek awkah a kut cu aa samh ko rih lai.

JOB 13:16

Pathian zei ah a rel lomi cu a hmaiah an chuak ngam lai lo, ti tal hi cu ka khamhnak a si ṭheo lai.

SALM 9:1

Bawipa, ka lungthin dihlak in nangmah cu kan thangṭhat lai, nangmah nih khuaruahhar thil na tuahmi vialte cu ka chim lai.

SALM 71:21

Hmasa nakin a ngan chinchin ah na ka ser lai, nangmah nih hnangamnak na ka pek ṭhan lai.

ISAIAH 54:7

“Caan tawite chung cu kan kaltak, sihmanhsehlaw dawtnak thukpi he kan lak ṭhan.

ISAIAH 54:9

“Noah chan ah biakamnak ka rak tuah i, vawlei cungah buanchukcho ka tlunter ti lai lo, ka rak ti. Atu na sinah biakamnak ka ser ve i na cungah ka thin a hung ti lai lo i kan mawhchiat ti lai lo, dan zong kan tat ti lai lo, ka ti.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 64:5

Ahmaanmi thil tuah duhnak a ngeimi kha na bawmh hna i nangmah nih cutin um hna seh ti na duhning a philh lomi cu na lawmh hna. Kan cungah na thin a rak hung, sihmanhsehlaw kan sual lengmang ṭhiam ko; kan cungah na thin a hung ko nain hlanlio piin kan sual lengmang ko.

ISAIAH 65:18

Ka sermi thil kha zungzal in i lawmhpi hna u law i nuamhpi hna u. Ka sermi Jerusalem thar cu lawmhnak in a khat lai i a mi hna cu an i lawm lai.

JEREMIAH 30:19

Cuka i a ummi hna nih cun thangṭhatnak hla an sa lai i lunglawmhnak in an au lai. Ka karhter hna lai, an zor chuk lai lo; Upatnak ka pek hna lai, nautat an si ti lai lo.

ZEKHARIAH 8:11

Sihmanhsehlaw hi mi hna chung hin a tangmi hna cungah hin cun hlan lio i ka rak si bang khan cun atu cu ka si ti lo, tiah ralkapbu Bawipa nih a ti.

ZEKHARIAH 8:19

“Thla linak thla, thla nganak thla, thla sarihnak thla le thla hranak thla i rawl ulhnak hna cu Judah innchungkhar caah lawmhnak le nuamhnak puai ah an cang lai. Biatak le daihnak cu duh ko u,” a ti.

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

JOB 11:16

Na harnak cu na philh lai i tilian a lanmi bantuk ceo khin na cinken lai.

SALM 85:4

Maw Pathian, kan Khamhtu, kan kirpi ṭhan law kan cungah lungsi loin um ti hlah.

SALM 86:17

Bawipa, na ṭhatnak kha ka cungah langhter ko, cu tikah keimah a ka huami hna nih khan hnangamnak le bawmhnak na ka pek kha an hmuh lai i an ning a zak lai.

ISAIAH 60:10

Bawipa nih Jerusalem cu a thawh i, “Ramdangmi nih na vampang kha an remh lai i an siangpahrang nih na rian an ṭuan lai. Ka thinhun in dan kan tat, sihmanhsehlaw atu cu kan dawtnak le kan zaangfahnak kha na cungah ka langhter lai.

JEREMIAH 31:13

Cun ngaknu hna cu an lam lai i an i lawm lai, Tlangval le patar hna cu an tha a nuam lai; An mithi zunngaihnak cu lunglawmhnak ah ka thlen lai, Ka thin ka nemter lai i an ngaihchiatnak lonh in lunglawmhnak ka pek hna lai.

ZEKHARIAH 1:16

Cucaah mah hihi Bawipa bia a si: Jerusalem cu zaangfahnak he ka kirhnawh ṭhan cang i a chungah ka inn kha sak a si ṭhan lai, tahnak hri in tah a si ṭhan lai, tiah Bawipa nih a ti.