HOSEA 6:1 - Lai (Hakha) Common Language Bible 2006

¹ Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

HOSEA 6:1 Referans Kwoze

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

JOB 5:18

Zeicahtiah amah nih hriamhma an inter, Asinain amah lila nih an men ṭhan; Amah nih cun an tuk, sihmanhsehlaw a kut nih an damter ṭhan.

1 SAMUEL 2:6

Bawipa nih a thah tawn hna a nun zong a nunter tawn hna. Sheol ah a kalter tawn i a chuah zong a chuahter tawn hna.

HOSEA 14:4

An zuanzamnak hi keimah nih ka damter lai i Ka lung chung taktak in ka dawt hna lai; An cung i ka thinhunnak cu a dam cang.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

JEREMIAH 30:17

Mi nih nang cu, “Ṭhawlmi, hawikom zeihmanh a ngei lomi Zion, an in ti nain, Cuar thar cu ka corhter ṭhan lai i na hma cu ka damter ṭhan lai,” tiah Bawipa nih a ti.

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

HOSEA 14:1

Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.

JEREMIAH 50:4

Khi ni le khi caan ah cun Israel mi hna le Judah mi hna cu hmun khat ah an ra ṭi lai i Bawipa an Pathian cu mitthli he an kawl lai;

JEREMIAH 3:22

Maw a tlaumi ka fale hna, ka sinah ra kir u, Nan tlaunak kha kan damter hna lai. Maw Bawipa, na sinah kan ra, nangmah sinah kan ra; Zeicahtiah nangmah cu kan Pathian na si.

ISAIAH 30:26

Thlapa cu ni tlukin a ceu lai i ni cu a let sarih in a ceu lai, ni sarih chung ceunak khi ni khat ah i fonh dih seh law cu bantuk cu a si lai. Bawipa nih a mi hna cu an hma a menpiak hna i a damter hna ni ah hi thil vialte hi a tlung lai.

JEREMIAH 33:5

“Cun nan va chuah; nan va tukmi hna nih cun ka thin hun le ka thin linh in ka tuk laimi hna ruak khan hi khua hi an khahter lai i cu vial ceo cu a si ko lai. A chung i a ummi minung hna nih ṭhat lonak an tuahmi ruangah hi khua cu ka mertak cang.

SALM 30:7

Bawipa, ka cungah na ṭha ko; tlang cungah a ummi ralhruang a him bantukin him tein na ka umter. Sihmanhsehlaw na ka thuhtak tikah ṭihnak in ka khat.

JEREMIAH 30:12

Hi bia hi Bawipa nih Zion sinah a chimmi a si: Na hma cu damh khawh ding a si ti lo i Tuknak na inmi cu a fak ngaingai ko.

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

ZEFANIAH 2:1

I pum tuah u, ningzah hngal lomi miphun, i pum tuah u, Lamhlatpi ah ṭhawl nan si i favai bangin nan loh hlan le

1 SAMUEL 7:3

Cun Samuel nih Israel chungkhar vialte hna sinah cun, “Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai,” tiah a ti.

JOB 16:9

Na thin hun in na ka thleh i na ka bauh, Na hacang na ka rialhnawh; Na thinhunnak cu fiang tein a lang.

SALM 6:2

ka baat cang caah ka cungah zaangfahnak ngei ko, ka tha a dih cang caah thazang thar ka pe ko sawh,

SALM 71:20

Ka cungah harnak le nganfahnak kha na tlunter, sihmanhsehlaw nangmah nih ka thazang kha na ka pek ṭhan lai i thlan chungin na ka khamh lai.

PHUNGCHIMTU 3:3

Thah caan a um, damter caan a um; ṭheh caan a um, sak caan a um;

ISAIAH 17:7

Cu ni a phak tikah annih a sertu hna Israel Pathian thiang cu bawmh an hal lai.

JEREMIAH 33:6

Sihmanhsehlaw hi khua cu ka damter ṭhan lai i a mi hna cu ka damter hna lai i lawmhnak le daihnak le himnak kha ka pek hna lai.

JEREMIAH 50:5

Zion lei hoih in cuka kalnak ding lam cu an hal hna lai i, “Ra tuah u, zungzal hmunmi, philh khawh lo ding biakamnak in Bawipa sinah i peh u sih,” an ti lai, tiah Bawipa nih a ti.

ṬAHNAK HLA 3:11

Ka lam kha a kawiter, ka ke kha a ka beiter i cihai lileng in a ka kaltak.

HOSEA 11:10

An ral cu chiandeih bantukin ka awnhhnawh hna lai i ka mi nih cun an ka zulh lai; Nitlaklei in khulrang in ka sinah an ra lai.

HOSEA 12:6

Cucaah atu cu Jakob tefa hna, nan Pathian cu i bochan u law amah sinah khan kir tuah u. Amah sinah khan zumhawktlak in um u law ding tein um ko u, Cun nan Pathian nih rian a ṭuan lai kha thinfual in hngak ko u.

LEVITIKAS 14:48

“Sihmanhsehlaw tlangbawi a rat i a zoh i inn cu lungbenhnak thung in benh a si hnuah zawtnak cu inn chungah a karh lo ahcun, tlangbawi nih inn cu a thiang tiah a thanh lai, zeitintiah zawtnak cu a dam cang.

2 CHANRELNAK 30:6

Cucaah siangpahrang nawl peknak bang khan ca phortu kha Israel le Judah ram vialte ah khan siangpahrang le a bawi pawl hna ca kha an i phorh i an kal, siangpahrang nih cun, “Maw Israel mi hna, Bawipa, Abraham, Isak le Israel Pathian sinah cun kir ṭhan u law Assiria siangpahrang hna kut in a luatmi nannih a tangmi hna leiah hin aa mer ṭhan ve lai.

JOB 22:23

Lianngan Bik sinah na kir ṭhan i na lung na ṭhumh i Na inn chungin dinlonak kha na dawi i

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.