HOSEA 10:10 - Lai (Hakha) Common Language Bible 2006

¹⁰ Hi misual miphun hi ka doh hna lai i dan ka tat hna lai. Anmah doh awkah miphun tampi kha an ṭang ṭi lai i an sualnak a tammi ruangah hin dantatnak an in lai.

HOSEA 10:10 Referans Kwoze

EZEKIEL 5:13

Khi tikah ka thinhunnak cu a dong lai i an cung i ka thinlinhnak cu ka ṭhumh lai i ka dai lai; ka thinlinhnak kha a dih tikah an sin i bia a chimtu cu Bawipa kha ka si i ka ham tuk hna ruangah cu bantukin ka chim ti kha an hngalh lai.

HOSEA 4:9

Zapi nih dantatnak ah hmuh dingmi kha tlangbawi hna cungah a tlung ve lai. Annih cu dan ka tat hna lai i ṭhat lonak an tuahmi ruangah khan ka lehrulh hna lai.

JEREMIAH 16:16

“Cun ngatlaitu tampi kha ka cah hna lai i hi mi hna hi an tlaih hna lai, tiah Bawipa nih a ti. Cun cu hnuah cun ramvaimi tampi kha ka cah hna lai i tlang kip le fing kip le lungpang kua kip ah khan an kawl hna lai.

MATTHAI 22:7

Siangpahrang cu a thin a hung i a ralkap kha a thlah hna i cu lainawngmi hna cu a thah hna i an khua kha a duah hna.

HOSEA 8:10

Sihmanhsehlaw ka pumh hna lai i dan ka tat hna lai. Assiria siangpahrang nih a hrem hna tikah an i lawng len te lai.

HOSEA 8:1

Muko kha tum tuah, Bawipa hmunthiang cungah ral cu langta bantukin an rung zuang. Ka mi nih amah he ka sermi ka biakamnak cu an hrawh i Ka cawnpiaknak kha an doh.

EZEKIEL 23:46

“Mah hihi Bawipa Pathian bia an si: Ramhtu ralkapbu cu au hna; ṭihnak le ramhnak chungah khan annih cu kaltak hna.

EZEKIEL 23:9

Cucaah a duhmi hna amah a duhtu Assiria mi hna sinah khan ka kaltak.

EZEKIEL 16:42

Khi tikah ka thinhunnak cu ka ṭhumh lai i ka nahchuahnak cu na sinin aa mer lai.

EZEKIEL 16:37

nangmah duhtu na fuhmi vialte hna, na duhmi vialte hna le na huatmi vialte hna kha, ka pumh hna lai. Annih cu khuazakip in ka pumh hna lai i an hmaiah khan na puan kan phoih dih lai i na takpum cu a dihlak in a lawng piin an in hmuh lai.

JEREMIAH 21:4

hihi Bawipa, Israel Pathian bia cu a si tiah Zedekiah cu va chim u: “Babilon siangpahrang le Khaldi mi hna, khua kulhnak hau lengin an kulhtu hna na dohnak nangmah hriamnam lila kha na cungah ka tlunter hna lai. Annih cu hi khuapi a laifang ah hin ka luhpi hna lai.

JEREMIAH 15:6

Nang nih cun na ka hlawt cang i hnulei na ka chit cang, tiah Bawipa nih a ti; Cucaah nangmah cu ka kut kan samhhnawh i kan hrawh ko, I dinhdorh lengmang hi ka ing kho ti lo.

ISAIAH 1:24

Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: “Ka ral hna, phu kan hlam cang hna lai i harnak nan ka pe ti lai lo.

DEUTERONOMI 28:63

Cun Bawipa nih nan ca i ṭhatnak tuah le nanmah karhter kha a rak duh tawn bangin, nanmah cung i rawknak tlunter le nanmah hrawh ah Bawipa cu aa lawm lai i; co awkah nan va luhhnawhmi ram chungin phawi nan si lai.

HOSEA 10:9

Gibeah i sualnak an rak tuahnak thawk khan ka cung i sualnak tuah hi Israel mi nih an ngol rih lo. Cucaah ral nih Gibeah ah a phak hna lai.

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

JOB 39:10

Amah cu lei rinkuar rinnak ah hri na banh khawh lai maw? Na hnu in lei rinkuar cu leitlang den in a run ngetter hna lai maw?

HOSEA 4:19

Thlichia choihtu in choih an si lai i an raithawinak ruangah khan an ning a zak lai.