HEBRU 6:12 - Lai (Hakha) Common Language Bible 2006

¹² Mi thathu si awk kha kan in duh hna lo, sihmanhsehlaw an zumhnak le an lungsaunak thawngin Pathian nih bia a kamhmi hna a hmumi hna bantuk si awk kha kan in duh hna.

Laibaibal Thiang (BSI)

¹² cuticun zumhnâk le lungsaunâk thawngin biakam a co cangmi hna zohchunh in nan tha thu hlah seh.

HEBRU 6:12 Referans Kwoze

HEBRU 13:7

Pathian bia a rak in chimtu hna nan hruaitu hmasa hna kha philh hna hlah u. Zeitindah an nuncan kha a si i zeitindah an thihning a si kha ruat ṭhan u law an zumhnak kha cawng hna u.

HEBRU 10:36

Pathian duhnak nan tuah khawh nakhnga le bia an kamhmi hna nan co khawh nakhnga lungsau thinfual in um u.

1JOHAN 2:25

Cun cucu Khrih hrimhrim nih kan pek hna lai tiah bia a kan kammi kha a si — zungzal nunnak cu.

ROM 12:11

Fak piin rian ṭuan u, nan thathu hlah u. Bawipa cu nan lungthin taktak tein a rian ṭuan u.

HEBRU 5:11

Melkhizedek kongah hin chim awk tampi kan ngei ko, sihmanhsehlaw a hngalh nan i harh tuk caah nan sin i fianter cu a har ko.

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.

JEIM 1:3

zeicahtiah cu bantuk hneksaknak cu nan zumhnak in nan tei tikah in khawhnak nan ngei.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

ROM 4:12

Cun cuarpar tanmi hna pa zong a si ve ko, cuarpar an i tan ruangah si loin kan pu Abraham nih cuarpar aa tan hlan i a zulhmi nunning, zumhnak nunning khan an nun ve caah a si.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

PHUNGTHLÛKBIA 18:9

Mahle rian ah a daithlangmi cu hrawkhraltu unau a si.

BIAPHUAN 13:10

Tlaih awk a simi cu tlaih a si hrimhrim ko lai; vainam in thah awk a simi cu vainam in thah a si hrimhrim ko lai. Hi ah hin Pathian mi hna nih in khawhnak an ngeih le zumhawktlak an si kha an langhter awk a hau,” a ti.

HEBRU 11:33

Zumhnak in ram ngan pipi kha an tuk hna i an tei hna. A dingmi thil kha an tuah i Pathian nih bia a kamhmi hna kha an hmuh. Chiandeih kha an ka an phih hna,

HEBRU 6:15

Abraham cu a lung a sau i cucaah Pathian nih bia a kamhmi kha a hmuh khawh.

2 THESALON 1:4

Cucaah Pathian Khrihfabu hna sinah nanmah kong cu kan i porhlaw i hremnak le temhnak nan inmi vialte chungah fel tein nan um i nan zumhnak a dorh lo caah kan in thangṭhat hna.

LUKA 8:15

Vawlei ṭha ah a tlami thlaici cu bia kha lungtho tein a thei i an lung chungah ṭha tein aa cinken i a thei a tlai tiangin aa zuammi cu an si,” tiah a ti.

MATTHAI 22:32

‘Kei cu Abraham Pathian, Isak Pathian, Jakob Pathian ka si,’ tiah pei a ti kha. Cu a sullam cu Pathian cu minung mi Pathian a si, mithi Pathian a si lo, tinak a si,” tiah a ti.

PHUNGTHLÛKBIA 15:19

Mithathu lam cu hling nih a buathnawh, sihmanhsehlaw teimami lam cu lampheipi a si.

PHUNGTHLÛKBIA 13:4

Mizaangthu pa nih cun zeilo pakhatkhat kha a duh ngaingai ko hnga, sihmanhsehlaw cucu a hmu bal lai lo, rian fak piin a ṭuanmi tu nih cun a duhmi paohpaoh kha a hmuh lai.

PHUNGTHLÛKBIA 12:24

Miteima cu uktu an si lai, sihmanhsehlaw mithathu cu an thathutnak nih mi sal ah a canter hna lai.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

LUKA 16:22

Misifakpa cu a thi i vancungmi nih vancung puai tuahnak ah khan an zuanpi i Abraham pawngah khan an ṭhutter. Mirumpa zong cu a thi ve i an vui.

MATTHAI 25:26

A bawipa nih cun, ‘Mi zaangthu, sal ṭhalo, ka phun lonak hmun ah theitlai ka lawh tawn le ka tuh lonak hmun ah tirawl ka ṭuan tawn cu na hngalh a si lo mei?

SOLOMON HLA 1:8

Lengnu vialte lak i hmel ṭha cem, Khoi zawn ah ti hngal hlah kun ci kaw, Zul law tuurun neh sul nem hna khi Na hmuh ko lai meheh note ca, ram hno tuukhal thlam hril ah.

PHUNGTHLÛKBIA 2:20

Cucaah miṭha mi hna lam cu zul law miding mi hna lam cu i tlaih tuah.

PHUNGTHLÛKBIA 28:10

Miding mi kha ṭhat lonak lei kal awkah a lemtu cu, amah nih a cawhmi khor lila ah khan a tla lai; Lihchim lomi nih cun a ṭhami ro kha a hmuh lai i Sihmanhsehlaw miṭhalo nih cun zeihmanh an hmu lai lo.

PHUNGTHLÛKBIA 26:14

Innka nih a kapza ah aa mer lengmang bantukin mithathu zong a ihkhun cungah aa let lengmang ve.