HEBRU 3:5 - Lai (Hakha) Common Language Bible 2006

⁵ Moses cu Pathian inn chungah khan rianṭuantu zumh awk tlak a rak si i Pathian nih hmailei ah a rak chim lai dingmi zong kha a rak chim.

Laibaibal Thiang (BSI)

⁵ Moses kha a hnu ah an chim te laimi thil hna hngalhpitu a si khawh nâkhnga Pathian chungkhar vialte lakah zumh a tlâk tak takmi sal a si,

HEBRU 3:5 Referans Kwoze

NAMBAR 12:7

Sihmanhsehlaw ka sal Moses cu, cu bantuk cun a si lo; ka inn cu a dihlak in a kut chungah ka chiah;

HEBRU 3:2

Moses cu Pathian innchungkhar rian ah a fel bantukin Jesuh zong cu hi rianṭuantu dingah a thimtu Pathian sinah khan zumh awk tlak tein a um ve.

EXODUS 14:31

Izipt mi hna cungah a liannganmi ṭhawnnak in Bawipa nih rian a ṭuan ti kha an hmuh i Bawipa kha an ṭih; Bawipa cungah khan zumhnak an ngei i a sal Moses cung zongah khan zumhnak an ngei ve.

SALM 105:26

Cun a sal Moses le a thimmi Aaron kha a thlah hna.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

HEBRU 8:5

Asinain cu tlangbawi hna nih rian an ṭuannak biakinn cu vancung i a ummi biakinn a mui le a thlam sawhsawh men a si. Puan biakinn kha Moses nih a ser lai tikah Pathian nih, “Tlang cung i a muisam kan hmuhsakmi bantukte khan zeizong vialte na tuah dih lai,” tiah a chimhmi bia nih khan a sawhmi cu hihi a si.

1TIMOTE 1:12

Ka rianṭuannak ah thazang a ka petu kan Bawipa Khrih Jesuh cu ka lawmh. Amah rianṭuantu ah ser awk tlak i a ka ruah caah a cungah kaa lawm.

JOSHUA 1:2

“Ka sal Moses cu a thi cang; cucaah nangmah le hi mi vialte hna hi tho u law, hi Jordan tiva hi tan u law, anmah, Israel mi hna ka pek laimi ram chungah cun lut tuah u.

DEUTERONOMI 34:5

Cu bangin Bawipa sal Moses cu Bawipa bia ningin Moab ram chungah a thi i,

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.

ROM 3:21

Sihmanhsehlaw atu cu nawlbia he i pehtlaihnak thawngin si hleng lo tein Pathian he i pehtlaihnak lam kha kan caah a hung awng i cu lam cu nawlbia le profet hna nih ahmaan tiin tehte an khaanmi lam kha a si.

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

JOSHUA 8:31

Bawipa, sal Moses nih Israel mi nawl a pek hna bang khan, Moses phungbia cauk chung i, “remh lomi lung in sermi biakṭheng ahohmanh nih thir hreihriam in tawngh lomi,” tiin aa ṭial bang khan a ser. Cun cu cungah cun Bawipa, sinah khangh thawinak an pek i daihnak thawinak an thawi.

1 KORIN 4:2

Cu bantukin thil ken fialmi a rian biapi bik cu a bawipa sin i zumh awk tlak te i um kha a si.

LAMKALTU 7:37

Israel mi sinah, ‘Pathian nih keimah a ka thlah bantukte hin profet pakhat an thlahhnawh te hna lai i amah cu nanmah chungmi a si lai,’ a ti, tiah a rak titu kha Moses cu a si.

LUKA 12:42

Bawipa nih a leh i, “A si ahcun, aho cu dah zumhawktlak le a fimmi sal cu a si? Zumhawktlak le a fimmi sal cu a bawipa nih a innchungkhar zohkhenhtu ah a chiah i sal dang kha anmah le an caan te cio ah an co awk hnga rawl a pemi hna cu a si.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MATTHAI 24:45

“Cu a si caah aho cu dah zumh awk a tlakmi le a fimmi sal cu a si? Cu bantukin zumh awk a tlak i a fimmi sal cu, a Bawipa nih a sal hawi zohkhenhtu dingah, a caan hmaan tein an rawl a petu dingah, a chiahmi kha a si.

JOSHUA 8:33

Cun Israel mi vialte cu, mipem he Israel mi chungchuak taktak he, an upa hna le an bawi hna le an biaceihtu hna he tiah, Bawipa biakamnak kuang a putu Levi mi tlangbawi hna hmai kuang hmailei le hnulei ah cun an dir, hnarcheu cu Gerizim Tlang hmaiah, hnarcheu cu Ebal Tlang hmaiah; Bawipa sal Moses nih a thawkterte ah Israel mi cu thluachuah nan pek hna lai, ti i nawl a rak pek hna bang khan.

JOSHUA 1:15

Bawipa nih nan unau hna cu nanmah bantukin dinhnak a pek hna i Bawipa nan Pathian nih a pek liomi hna ram cu annih zong nih an co hlantiang nan bawmh hna lai. Cun Bawipa sal Moses nih a pekmi hna Jordan ral nichuahlei kam i a ummi ram, nanmah ta a simi ram ah cun, nan kir lai i nan co lai,” tiah a ti.

JOSHUA 1:7

Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

DEUTERONOMI 3:24

‘Maw Bawipa Pathian, nangmah na salpa hi na lianhngannak le a ṭhawngmi na kut hmuhsak kha a thawk lawng na thawk rih, zeitintiah nangmah tuahmi thil bantuk le khuaruahhar na sermi bantuk a tuah khotu pathian, van ah siseh, lei ah siseh, ahodah a um?

NEHEMIAH 9:14

annih cu a thiangmi na sabbath kha na hngalhter hna i nawlbia le phung le phungbia kha na sal Moses sinin na pek hna.

EXODUS 40:16

Bawipa nih a fial bantuk tein zeizong vialte kha Moses nih a tuah dih.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

HEBRU 3:4

Nan hngalh cio bangin inn cu mi nih an sak taktak — zeizong vialte a satu bel Pathian a si.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!