HEBRU 13:4 - Lai (Hakha) Common Language Bible 2006

⁴ Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

Laibaibal Thiang (BSI)

⁴ Mi vialte sinah ṭhit-umh hi hmaizah siseh law, nuva ihkhun kha thûrter sihlah seh. Nupa sualnâk a tuahmi le ṭangdang kaimi cu Pathian nih bia a ceih hna lai.

HEBRU 13:4 Referans Kwoze

GENESIS 2:24

Cucaah cun pei pa nih a nu le a pa a kaltak hna i a nupi he an i fonh i pum khat i an can hi a si cu.

GALATI 5:19

Minung sining nih a tuah tawnmi cu a fiang ko: nu le pa sualnak tehna, a thurhnawmmi thil tehna, aa dawhcah lomi thil tehna,

GALATI 5:21

ziar an i ngeih, zu an ri, an au an khuang i cu bantuk thil a dang tampi kha an tuah lengmang hna. Hmasa ah ralrin bia ka rak in chimh cang hna bantuk khan atu ah kan chimh ṭhan hna: cu bantuk thil a tuahmi cu Pathian Pennak an hmu lai lo.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

1TIMOTE 3:12

Khrihfa upa cu nupi pakhat lawng a ngeimi an si lai i an fale hna le an innchungkhar kha ṭha tein a zohkhenh khomi an si lai.

1TIMOTE 3:4

a innchungkhar ṭha tein a zohkhenh khomi a si lai i a fale nih a nawl an ngaihmi le an upatmi a si lai.

1 KORIN 7:38

Cucaah cun a hammi a ngaknu a ṭhimi nih thil ṭha a tuah ko, asinain a hammi a ngaknu a ṭhi lomi nih khan thil ṭha chinchin a tuah.

GENESIS 2:21

Cun Bawipa nih mipa cu thu hluahmah in a hngilhter i aa hngilh karah cun a hnakruh pakhat kha a zuh i cu a zuhnak cu titsa in a phih.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

TITAS 1:6

Cu hna cu: Khrihfa upa cu mawhchiat awk a um lomi an si lai, nupi pakhat lawng a ngeimi an si lai, an fale kha a zumtu a simi an si lai i puarhran lei le nawlngaih lo leiah minthang lomi an si lai, ti kha an si.

1TIMOTE 5:14

Cucaah cun nuhmei kum no deuh pawl cu va ngei ṭhan ko hna seh law, tefa zong ngei hna seh law an inn an lo kha zohkhenh hna seh law cuticun kan ral pawl kha kanmah thangchiatnak caan ngei kho hna hlah seh, ti ka duh.

1TIMOTE 4:3

Cu hna pawl nih cun i ṭhit i umh hi thil ṭhalo a si, tiah an ti i ei chia an timi rawl phun zong a um. Sihmanhsehlaw hi rawl cu Pathian nih ei awk ding i a sermi an si i zumtu a simi hna le biatak a hngalmi hna nih cun lunglawmhnak in thlacam hnuah ei awk an si ko.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

1 KORIN 9:5

Lamkaltu dang hna le kan Bawipa naule hna le Peter nih, khualtlawnnak ah an nupile kha an i ṭhit hna bantukin kei zong nih Khrihfa nupi kaa tlawnpi ve awk a si lo maw?

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

1TIMOTE 3:2

Khrihfabu hruaitu cu soisel awk um lomi, nupi pakhat lawng a ngeimi, zu rit hmang lomi, mah le mah aa uk khomi, ningcang tein khua a sami, khualtlung a dawmi, cawnpiak a thiammi a si lai;

ISAIAH 8:3

Cu hnu tlawmpal ah ka nupi sinah khan ka va kal i fa a pawi i fapa a hrin. Bawipa nih cun, “A min ah, ‘Maher-shalal-hash-baz’ na sak lai.

2 SIANGPAHRANG 22:14

Cucaah tlangbawi Hilkiah le Ahikam le Akbor le Shafan le Asaiah kha nu profet Huldah, hnipuan chiahnak zohkhenhtu Harhas fapa Tikvah i fapa Shallum nupi, sinah khan an va kal (amah cu Jerusalem khua chungah Sang Hnihnak ah khan a um); cun amah cu bia an ruah.

HEBRU 12:16

Ahohmanh nu le pa sualnak tuah hlah u, thlarau lei thil zeihmanh i a rel lomi Esau bantuk zong si hlah u, anih nih cun rocotu sinak kha rawl voi khat ei men ah a zuar ko.

LEVITIKAS 18:20

Na innpa nupi cu amah he i thurter awkah pumsa duhnak in na ihpi lai lo.

DEUTERONOMI 22:22

“Mipa pakhatkhat nih midang nupi a ihpi kha hmuh a si ahcun, an pahnih in, minu a ihpitu cu le minu cu, an thi lai; cuticun Israel chungin ṭhat lonak cu nan thianh lai.

1 KORIN 6:18

Nu le pa sualnak kha hrial ko u. Sualnak dang nih cun mi hi a pum kha a hnorsuang lo, asinain nu le pa sualnak a tuahmi nih cun amah pum cung hrimhrim ah khan sualnak a tuah a si.

1THESALON 4:6

Ahohmanh nih nan u nan nau kha an pawcawmnak rian ah hleng in deh hna hlah u, ningcang loin lemsoi hna hlah u; cu bantuk ṭhat lonak a tuahmi cu Pathian nih dan a tat hna lai tiah kan in chimh cang hna i fak piin ralrinnak kan in pek cang hna.

LEVITIKAS 15:18

Pa nih nu he a ih i a ci a chuah ahcun an pahnih in ti in an i kholh lai i zanlei tiang thianglo an si lai.

JOB 31:12

Ka cinthlakmi vialte a kangh i a hrawk dihtu ding mei a si.