HEBRU 13:22 - Lai (Hakha) Common Language Bible 2006

²² Ka u le ka nau hna, ca kan kuatmi hna hi a sau zong a sau lem lo i cucaah cun lung ṭhawnnak bia kan chimhmi hna hi lungsau ngaiin rak zul u tiah kan nawl hna.

Laibaibal Thiang (BSI)

²² Cun unau hna, thapêknâk bia hi ṭha tein ngai dingin kan nawl hna, tawi tein ka rak ṭial ko hih.

HEBRU 13:22 Referans Kwoze

1 PETER 5:12

Hi ca hi Silas nih a ka bawmhnak thawngin nannih kha kan kuat hna. Amah cu zumhawktlak a si tiah ka ruahmi kan unau a si. Hihi Pathian vel ahmaanmi taktak a si ti kha tehte khan ka duh i a chungah fek tein dir u, tiah forh kan duh hna.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

GALATI 6:11

Hi ca kan kuatmi hna hi ka kut hrimhrim in ka ṭial i cafang lian pipi in ka ṭial hi rak zoh hmanh u.

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

2 KORIN 5:20

Cucaah Khrih lamkaltu bantukin kannih cu kan ra. Kannih nih kan in nawl hna hi Pathian nih an nawl hna bantuk a si: Pathian he i rem ko u, tiah Khrih min in kan in nawl hna.

HEBRU 4:11

Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.

HEBRU 4:1

Atu cu Pathian nih dinnak a rak chimmi kha kan hmuh nakhnga, a biakam kha a kan pek i cu kamhmi dinhnak chungah cun a lut lomi nan um sual nakhnga lo, ralring tein um u sih.

HEBRU 2:1

Cucaah a ping i kan kal sual nakhnga lo kan theihmi biatak kha fek chinchin in kan i tlaih awk a si.

2 KORIN 10:1

Hmunkhat um vial ah zeihmanh chim ngam ṭung lo, a langhlat vial in a ral a ṭha ngai ṭung, nan ka timipa keimah Paul nih, Khrih lungnemnak le a zaangfahnak lungthin in kan nawl hna.

LAMKALTU 13:15

Cuka mi hna nih Moses Nawlbia Cauk chungin le profet hna caṭialmi chungin an rel hnuah pumhnak inn uktu hna nih cun an i thawh i, “U le nau hna, mizapi caah forhnak bia chim awk nan ngeih ahcun chim tuah hna u,” tiah an ti hna,

EFESA 3:3

Pathian nih a thuhmi a khuakhannak cu ka sinah a phuan i a ka hngalhter. (Hi kong hi tawi tein nan sinah ka rak ṭial cang,

HEBRU 12:5

Pathian nih a fale bantukin an chawnhnak hna, lung ṭhawnnak bia kha nan philh cang dahra? “Ka fapa, Bawipa nih an chimhhrin tikah zeirello in um hlah, an sik tikah na lung dong hlah.

HEBRU 13:19

Cun Pathian nih, nan sinah tuan chinchin ah a ka ratter nakhnga thla rak ka campiak u tiah kan nawl fawn hna.