HEBRU 13:14 - Lai (Hakha) Common Language Bible 2006

¹⁴ Hi vawlei ah hin kannih caah zungzal hmun ding khua a um lo, a ra laimi khua tu kha kan cuan.

Laibaibal Thiang (BSI)

¹⁴ Zeitintiah hika ah hin a hmunmi khua kan ngei lo, a ra laimi khua khi kan kawlmi cu a si.

HEBRU 13:14 Referans Kwoze

FILIPI 3:20

Sihmanhsehlaw kannih cu vancung ram mi kan si i kan Khamhtu Bawipa Jesuh Khrih vancung in a rat lai kha ngangngan ngaiin kan hngak ko.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

EFESA 2:19

Cucaah nannih Jentail mi hna, ramdang mi le khual nan si ti lo; Pathian mi hna he cun laikhat nan si cang i Pathian innchungkhar chung mi nan si cang.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

1 KORIN 7:29

Ka u le ka nau hna, ka chim duhmi cu hihi a si: caan hi tampi a tang ti lo i cucaah cun atu ri hin cun nupi ngeimi nih a ngei lo bantukin um hna seh;

MIKAH 2:10

Tho u law kal u, hihi dinhnak hmun a si lo. Sualnak ruangah ṭih a nungmi rawhralnak he nan i tong lai.

1 PETER 4:7

Zeizong vialte donghnak caan hi a nai ko cang. Cucaah cun thla nan cam khawh nakhnga, mah le mah aa uk khomi le ralring tein a ummi nan si lai.

HEBRU 4:9

Cucaah Pathian mi hna cu, sabbath dinhnak nih khan a hngah ko rih hna,

HEBRU 2:5

Pathian nih ser a rak i timhmi vawlei uktu dingah khan vancungmi cu a chia hna lo, atu i kan chimmi hi, cu vawlei kong cu a si.

HEBRU 9:11

Sihmanhsehlaw a um lai ding a rak simi, hika i a um cangmi thil ṭha hna Tlangbawi Ngan Khrih kha a ra cang. Rian a ṭuannak thlam cu a ngan deuh i a tling deuh; minung sermi a si lo, cu a sullam cu sermi vawlei cung thil i aa telmi a si lo tinak a si.

HEBRU 10:34

Thongtlami kha an thongtlak nan inpi hna i nan thil an in chuh hna tikah lunglawm tein nan pek hna, hi thil hna nakin a ṭha deuhmi thil le a hmun kho deuhmi thil nan ngeih kha nan hngalh.

HEBRU 12:27

“Voi khat cu ka hninh ṭhan lai,” ti bia nih hin, sermi thil cu hninh le ṭhial an si lai ti kha fiang tein a langhter i hninh khawh lomi thil kha a hmun lai.

BIAPHUAN 3:12

Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka ṭial lai i ka Pathian khualipi, a min Jerusalem thar a simi zong kha a cungah cun ka ṭial lai. Cu khualipi cu ka Pathian sinin vancung khin a rung ṭum lai. Cun a cungah cun ka min thar zong ka ṭial fawn lai.