HEBRU 12:23 - Lai (Hakha) Common Language Bible 2006

²³ Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

Laibaibal Thiang (BSI)

²³ fater van i min bunhmi kawhhran hna, mi vialte cung i biaceihtu Pathian, midik thlarau tlamtlintermi,

HEBRU 12:23 Referans Kwoze

JEIM 1:18

Amah nih amah duh tein a kan ser i a kan sernak ah cun biatak kha a hman, cucaah kannih cu a sermi thil vialte lakah cungnung bik kan si.

HEBRU 11:40

zeicahtiah kan caah Pathian nih khuakhannak ṭha deuh a ngeih caah a si; annih kha kanmah he lawngin tlinnak a hmu kho ding an rak si.

LUKA 10:20

sihmanhsehlaw thlarau ṭhalo nih nan nawl an in ngaih hna caah khan i lawm hlah u, vancung i nan min ṭial a si ca tu ah khan i lawm tuah u,” a ti hna.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.

EXODUS 4:22

Cu tikah Faro cu na thawh lai i, Bawipa nih, ‘Israel cu ka fapa upa bik a si.

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

BIAPHUAN 20:15

Nunnak cauk chungah an min aa ṭial lomi paoh cu mei tili chungah cun an paih hna.

SALM 94:2

Nangmah cu mi vialte bia a ceihtu na si, tho law miporhlaw kha hmuh awk an i tlakmi dantatnak kha pe hna.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.

SALM 96:13

zeicahtiah vawlei uk awkah a ra cang; vawleicung mi vialte kha dingte le i ruang tein a uk hna lai. ruang tein a uk hna lai.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

HEBRU 11:4

Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.

1TIMOTE 3:5

Mah innchungkhar hmanh ṭha tein a zohkhenh kho lomi nih cun zeitindah Pathian khrihfabu cu a zohkhenh khawh lai?

FILIPI 4:3

Cun ka ṭuanhawi, nangmah zong, kha nu hna kha rak bawm hna ti kan duh. Zeicahtiah Klement le ka ṭuanhawi dang vialte, nunnak cauk chungah an min aa ṭialmi vialte he, Thawngṭha karhter kha fak piin an ka bawmh.

EFESA 1:22

Pathian nih zeizong vialte cu Khrih ke tangah khan a chiah dih hna i Khrih cu Khrihfabu lu ah a ser i zeizong vialte uktu Bawi ngan bik ah a chiah.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

JOHAN 5:27

Cun a Fapa kha Mi Fapa ka si caah biaceihnak nawl kha a ka pek.

SALM 98:9

zeicahtiah amah cu vawlei uk awkah a ra cang. Vawleicung mi vialte cu dinnak le ruannak in a uk hna lai.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

KOLOSE 1:12

Cun ceunak ram chungah Pathian nih a mi hna ca i a chiahmi thil i hrawm ve awkah aa tlak dingin an sertu hna kan Pa cu, lawmhnak he thangṭhat ko u.

2 KORIN 5:8

Cucaah ralṭha ngaiin kan um i hi pum kan inn hi kaltak i Bawipa sin i um cu kan i thim deuh suaumau hnga.

1 KORIN 15:54

Cun a rawk khomi nih a rawk kho lomi aa hruk i a thi khomi nih thih khawh lonak aa hruk tikah cun, Cathiang nih, “Thihnak cu hrawh a si cang, teinak cu a tling cang,” a timi kha a tling lai.

1 KORIN 13:12

Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

SALM 111:1

Bawipa cu thangṭhat u! Bawipa cu a mi hna an i pumhnak ah ka lungthin a dih umnak in ka lawmh lai.

SALM 89:27

Amah cu ka fater ah ka ser lai i siangpahrang vialte lak i a ngan bik ka siter lai.

SALM 89:7

Nangmah cu pathian hna nih an khuakhannak bu chungah khan an in upat i na kiang i a ummi vialte nih khan an in ṭih dih.

SALM 69:28

An min cu a nungmi minung cazin khan hloh si hna seh; na mi hna min cazin chungah i tel hna hlah seh.

DEUTERONOMI 21:17

sihmanhsehlaw, a dawt lomi nupi fapa kha fater a sinak kha a hngalhpi ko lai i a ngeihmi vialte chung khan vo hnih a pek ko lai; zeitintiah amah cu a thazang theitlai hmasa bik a si; fater sinak cu amah ta a si ko.

EXODUS 13:2

“Fater, pa vialte cu keimah sinah nan ka pekchanh hna lai. Israel mi fater paohpaoh cu, minung an si ah, saram an si ah, keimah ta an si,” a ti.

EXODUS 32:32

Asinain an sualnak cu ngaithiam ko sawh hna. Cun na ngaihthiam khawh hna lo a si le nangmah nih na ṭialmi cauk chung khan keimah ka min tu kha hlo ko,” a ti.

1 KORIN 15:49

Vawlei in sermi mui kha kan i hruk bantukin vancung in a ra Mi cu kan i hruk lai.

HEBRU 2:12

Amah nih, “Pathian, ka unau hna sinah na kong cu ka chim lai, Aa pummi an dihlak hmaiah nangmah cu kan thangṭhat lai,” a ti bang khan a si.

BIAPHUAN 6:9

Cun Tuufa nih cun cakhenh panga-nak kha a phoih. Pathian bia an chim ruangah le Pathian tehte an sinak ah zumhawktlak in an um ruangah an thahmi hna thlarau kha biakṭheng toiah cun ka hmuh hna.

BIAPHUAN 6:11

Annih cu puan rang pakhat cio an pek hna i, “Tlawm tein i din ko rih u. Nanmah bantukin thihnak a ing ve ding nan salhawi le nan unau hna an tling rih lo,” tiah an ti hna.