HEBRU 11:16 - Lai (Hakha) Common Language Bible 2006

¹⁶ Annih nih an ngaihmi ram cu, ram ṭha deuh vancung ram tu kha a si. Pathian nih an caah khua pakhat a timhpiak hna i cucaah annih nih Pathian cu, kan Pathian, tiin an kawh tikah, Pathian cu a ning a zak lo.

Laibaibal Thiang (BSI)

¹⁶ Asinain an duhmi cu ram ṭha deuhmi a si i cucu vanram a si. Cucaah Pathian nih an Pathian si a ning a zak lo i an caah khualipi a rak timhtuah piak hna.

HEBRU 11:16 Referans Kwoze

HEBRU 13:14

Hi vawlei ah hin kannih caah zungzal hmun ding khua a um lo, a ra laimi khua tu kha kan cuan.

HEBRU 11:10

Zungzal in a hmunmi khuapi, Pathian sermi cu, Abraham nih cun a hngah.

FILIPI 3:20

Sihmanhsehlaw kannih cu vancung ram mi kan si i kan Khamhtu Bawipa Jesuh Khrih vancung in a rat lai kha ngangngan ngaiin kan hngak ko.

JOHAN 14:2

Ka Pa inn chungah khaan tampi a um ko i cuka i nan caah hmun va timh awkah ka rak kal lai. Cu bantukin si hlah seh law hitihin kan chim hna hnga lo.

HEBRU 2:11

Minung cu an sualnak kha a thianhpiak hna; minung sualnak a thianhtu le an sualnak a thianhpiakmi hna minung cu, an bu hnih in, an Pa cu aa khat ko. Cu ruangah cun Jesuh nih ka unau hna ti i kawh kha a ning a zak lo.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

HEBRU 11:14

Cu bantukin bia a chimmi hna nih cun, anmah ta a simi ram an kawl kha an langhter.

2TIMOTE 4:18

Cun Bawipa nih ṭhat lonak vialte chungin a ka chuah lai i him tein a vancung Pennak ah cun a ka luhpi lai. Amah cu zungzal in zungzal tiang thangṭhat si ko seh. Amen.

EXODUS 3:6

Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a ṭih caah a hmai kha aa khuh.

MARKA 8:38

Atu chan, Pathian zei ah a rel lo i chan ṭhalo a simi chan ah hin, keimah le ka cawnpiaknak a ka zahpimi cu, Mi Fapa hi ka Pa sunparnak in vancung mithiang mi hna he ka rat tikah, ka zahpi ve hna lai,” tiah a ti hna.

EXODUS 3:15

Cun Pathian nih Moses cu a thawh ṭhan i, “Israel mi cu, ‘Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,’ tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.

LAMKALTU 7:32

‘Keimah cu nan pupa hna Pathian, Abraham le Isak le Jakob Pathian kha ka si,’ tiah a rak ti. Moses cu a ṭih tuk ah a ther in a ther i a zoh hmanh a zoh ngam lo.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

GENESIS 28:13

Cun Bawipa nih cun, “Keimah hi Bawipa, Abraham le Isak Pathian kha ka si. Na ihnak ram hi nangmah le na tefa kha kan pek hna lai.

MARKA 12:26

Mithi mi thihnak in thawhter ṭhan an si lai le si lai lonak kong cu, Moses cauk chungah khan, burbuk a kangmi kong kha nan rel bal lo maw? Khaka ah khan Pathian nih Moses cu a thawh i, ‘Kei cu Abraham Pathian, Isak Pathian, Jakob Pathian ka si,’ a ti, tiah aa ṭial ṭung.

JEREMIAH 31:1

Khi tikah keimah cu Israel phun vialte hna Pathian ka si lai i annih cu ka mi an si lai, tiah Bawipa nih a ti.

EXODUS 4:5

Bawipa nih cun, “Bawipa, an pupa hna Pathian, Abraham Pathian, Isak Pathian, Jakob Pathian na sinah ka langh kha an zumh khawh nakhnga, kha ti khan na va tuah lai,” a ti.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

LUKA 20:37

Moses nih a thimi hna cu nunnak ah thawhter ṭhan an si lai ti cu fiang tein a chim ko. A alhmi burbuk kong a chimnak ah khan aa thawh i, ‘Bawipa cu Abraham Pathian, Isak Pathian Jakob Pathian a si,’ a ti.

HEBRU 10:34

Thongtlami kha an thongtlak nan inpi hna i nan thil an in chuh hna tikah lunglawm tein nan pek hna, hi thil hna nakin a ṭha deuhmi thil le a hmun kho deuhmi thil nan ngeih kha nan hngalh.

HEBRU 11:40

zeicahtiah kan caah Pathian nih khuakhannak ṭha deuh a ngeih caah a si; annih kha kanmah he lawngin tlinnak a hmu kho ding an rak si.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.