HABAKKUK 1:16 - Lai (Hakha) Common Language Bible 2006

¹⁶ Cucaah an sur ngan kha raithawinak an pekchanh hna i an sur kha khangh thawinak an pekchanh hna; Zeicahtiah nun nuam ngaiin an nunnak le rawl tampi an ngeih khawhnak cu an sur hna thawng cun a si.

HABAKKUK 1:16 Referans Kwoze

HABAKKUK 1:11

Cun annih cu thlitu bantukin an lan i an lo; An ṭhawnnak an pathian i aa serhmi hna cu vansang au in an um.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

EZEKIEL 28:3

Ziah, Daniel nak fim deuh maw na si? Na caah a thuk tukmi biathli zeihmanh a um lo maw?

DEUTERONOMI 8:17

Nan lung chungin, ‘Keimah ṭhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

ISAIAH 37:24

Tlang sang bikbik cu ka rangleng in ka tei hna, Lebanon tlang parpahlek hmanh ka tei, tiin keimah kha tluangkhawnhnawh awkah na sal cu na thlah hna. Cuka ah cun sidar thing a sang bik cem hna le saipres thing a ṭha bikbik hna kha ka hau hna i tupi a deng tiang ka phan tiah tluang na khawng.

SALM 22:29

Miporhlaw vialte kha a hmaiah an kun lai, a thi khomi minung, a thi ding a si komi vialte hna kha a hmaiah an kun lai.

JEREMIAH 44:8

Mah hihi umnak hmun nan i khuarnak Izipt ram i pathian dang hna sinah raithawinak nan pekchanhnak thawngin siasal biaknak nan tuahmi in ka thin nan ka phawhnak ruangah a si. Nanmah le nanmah kha nan i hrawk lai i vawlei cung miphun vialte sinah nihsawh awk le zawmhtaih awkah nan cang lai.

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.