GENESIS 49:7 - Lai (Hakha) Common Language Bible 2006

⁷ An thinhunnak cu ṭih a nun tuk caah an cungah chiatserhnak nih tlunhnawh hna seh, an thinlinhnak cu a puarhran tuk caah chiat nih tlunhnawh ko hna seh. Jakob ram chungah ka ṭhek hna lai i Israel mi lakah ka ṭhen dih hna lai.

GENESIS 49:7 Referans Kwoze

PHUNGTHLÛKBIA 27:3

Lung hi a rit i thetse zong hi a khing a rit ko, sihmanhsehlaw mihrut nih hnahnawhnak an chuahpimi cu cu hna pahnih nakcun a rit deuh.

1 CHANRELNAK 6:65

Judah phun le Simeon phun le Benjamin phun chung zong hi khua an min in chimmi hna hi camcawh fung khiah in an pek hna.

2 SAMUEL 13:15

Khi tikah Amnon nih cun a fak ngaingaimi huatnak in a huat ṭhan ṭung i a rak duh lio i a dawtnak nakkhan a huatnak cu a ngan deuh ṭhan. Cun Amnon nih amah cu a thawh i, “Tho law, kal zok,” tiah a ti.

NAMBAR 35:8

Cun Israel mi hna ngeihmi chungin nan pek laimi khua hna cu, phun ngan deuh in tam deuh nan lak lai i phun hme deuh in tlawm deuh nan lak lai; anmah le an covo a tlawm a tam ningin an khua hna cu Levi mi sinah an pek cio hna lai,” tiah a ti.

PHUNGTHLÛKBIA 29:22

Thin a tawimi nih rem lonak an chuahter, Thin aa sum lomi nih palhnak an tuah zungzal tawn.