GENESIS 48:22 - Lai (Hakha) Common Language Bible 2006

²² Na unau a dang ahohmanh si loin nangmah kha ram ṭhatnak i a ummi Amor mi hna sinin ka nam le ka li in ka lakmi Shekem kha kan pek,” a ti.

GENESIS 48:22 Referans Kwoze

JOHAN 4:5

Samaria ram ah cun khua pakhat khi a hei phan i cu khua cu a min ah Saikhar a si. Saikhar cu Jakob nih a fapa Josef a pekmi lo khan a hla lo.

JOSHUA 24:32

Israel mi nih Izipt ram in an hun i kaipimi Josef ruh kha, Shekhem khua i hmun pakhat Jakob nih Shekhem pa Hamor i a fapa hna sinin tangka za khat in a cawkmi ah khan an vui; cu hmun cu Josef tefa hna rothil ah a cang.

1 CHANRELNAK 5:2

Judah cu a unau hna lakah a ṭhawngmi a hung si i amah chungin bawi a hung chuak nain, fater sinak tu cu Josef ta a si ko),

AMOS 2:9

Asinain, an hmaiah Amor mi kha a hrawktu hna cu keimah ka si, Amor mi cu sidar thing bantukin an sang i kuhthing bantukin an ṭhawng nain, Keimah nih cunglei i an thei le tanglei i an hram cu ka hrawh hna.

BIACEIHTU 11:23

Cuticun Bawipa, Israel mi hna Pathian nih, a mi Israel mi hna hmai in Amor mi hna cu a pawnchuah hna; annih cu nang nih na co awk an si hnga maw?

DEUTERONOMI 21:17

sihmanhsehlaw, a dawt lomi nupi fapa kha fater a sinak kha a hngalhpi ko lai i a ngeihmi vialte chung khan vo hnih a pek ko lai; zeitintiah amah cu a thazang theitlai hmasa bik a si; fater sinak cu amah ta a si ko.

GENESIS 34:28

Khua chung i a ummi thil he ramlak i a ummi thil he an lak dih hna — an saṭil run le laa le thil kip kha an lak hna.

GENESIS 33:19

Cu lo cu Shekhem pa Hamor tefa hna sin khan ngun tangka za khat in a cawk.

GENESIS 15:16

Na tefa hna cu chan li hnuah an ra kir ṭhan lai, zeicahtiah Amor mi hna cu dantat awk tlak hrimhrim in an sual tik lawngah ka ṭhawl hna lai,” a ti.

EZEKIEL 47:13

Hihi Bawipa Pathian bia cu an si: Israel miphun hna nih ram cu co awkah an luh tikah hihi an ramri cu an si lai, Josef nih khan vo hnih a co lai.

1 CHANRELNAK 1:14

le Jebus mi hna le Amor mi hna le Girgash mi hna le