GENESIS 41:16 - Lai (Hakha) Common Language Bible 2006

¹⁶ Josef nih cun, “Keimah leh khawh bia a si lo, Pathian nih Faro cu a ṭhami lehnak a pek lai,” tiah a leh.

GENESIS 41:16 Referans Kwoze

2 KORIN 3:5

Hi rian hi kan ṭuan khawh vun i ti awkah kanmah ah hin zeihmanh i chim awk kan ngei lo. Kan ṭuan khawhnak cu Pathian sinin a rami a si i

GENESIS 40:8

Annih nih, “Mang pakhat veve kan ngei i a kan lehpiaktu ahohmanh an um lo,” tiah an leh. Josef nih cun, “Mang lehnak a pe khotu cu Pathian a si. Nan mang cu ka chim tuah u,” a ti hna.

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

LAMKALTU 3:12

Peter nih a rak hmuh hna tikah khan a rak thawh hna i, “Ka phun hawi Israel mi hna, zeicahdah hi thil kongah nan khuaruah a har i kanmah lehlam cu ngang koin nan kan zoh? Hi pa kan kalter khawh hi kanmah ṭhawnnak in le Pathian hmai i kan ṭhatnak thawngin maw a si tiah nan ruah?

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

LAMKALTU 3:7

Cun a orhlei kut khan a vun thawh i a dirter. Chikkhatte ah khin mipa cu a ke le a fengbeo hna cu an hung ṭhawng i

LUKA 19:42

“Nihin ah hin daihnak caah zeidah a herh ti kha hei hngal law cu mu! Sihmanhsehlaw cucu na hmu kho ṭung lo.

DANIEL 4:2

Thluachuahnak vialte cu nan ta si ko seh. Cung Nung Bik Pathian nih ka caah a tuahmi hmelchunhnak hna le khuaruahharnak hna cu chim ṭhan ka duh hna:

2 SIANGPAHRANG 6:27

Cun anih nih, “Bawipa nih an bawmh lo ahcun kei nih khuazei in dah kan bawmh khawh lai? Nangmah caah phuhri in siseh, mitsur nennak hmun in siseh, bawmhnak cu kan hmuhpiak khawh lai maw?” tiah a ti.

GENESIS 37:14

A pa nih cun a thawh i, “Va kal law na ule kha an dam dam lo va zoh hna law saṭil zong cu an i nincan le nincan lo va zoh hna; cun bia rak ka phorh te,” a ti. Cuticun a pa nih khan Hebron nelrawn khan a thlah. Shekhem kha a va phak tikah

GENESIS 41:17

Faro nih cun aa thawh i, “Mang pakhat ka manh i ka mang ah cun Nail tiva kamah hin ka dir.

GENESIS 41:25

Josef nih khan Faro cu a thawh i, “Na mang pahnih kha an sullam aa khat; Pathian nih a tuah ding kha an chimh.

GENESIS 41:28

Pathian nih a tuah laimi kha an hmuhsak tiah kan ti bantukte khan a si.

DEUTERONOMI 29:29

“Aa thupmi thil hna cu Bawipa kan Pathian ta an si; sihmanhsehlaw hi phungbia vialte hi kan tuah khawh nakhnga, phuanmi thil hna cu kanmah le kan fale hna ta zungzal in an si.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.