GENESIS 19:29 - Lai (Hakha) Common Language Bible 2006

²⁹ Asinain Pathian nih nelrawn chung ummi khua kha a hrawh hna tikah Abraham kha a philh lo i Lot kha himnak hmun ah a zamter.

GENESIS 19:29 Referans Kwoze

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.

GENESIS 8:1

Pathian nih Noah le a sin i lawng chungah a ummi saram vialte le saṭil vialte kha a philh hna lo, cucaah vawlei cungah thli a hranter i ti cu ṭum hram aa thawk.

SALM 25:7

Ka tlanval lio ka sualnak le ka palhnak kha ka ngaithiam ko hna. A fekmi na dawtnak le na ṭhatnak ruangah keimah cu ka philh hlah, Maw Bawipa.

2 PETER 2:7

Nawlbia zeihmanh i a rel lomi hna nih awlok an chonhmi, mi ṭha Lot kha a khamh.

HOSEA 11:8

Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

SALM 145:20

Amah a dawtu cu an dihlak in a huhphenh hna, sihmanhsehlaw miṭhalo cu a hrawh dih hna lai.

SALM 136:23

Kan sungh tikah khan a kan philh lo, a dawtnak cu zungzal in a hmun.

SALM 106:4

Na mi hna na bawmh hna tikah ka philh hlah, Maw Bawipa, na khamh hna tikah kei zong ka telh ve.

SALM 105:42

A sal Abraham sinah a sermi a biakam thiang kha a philh lo.

NEHEMIAH 13:22

Cun sabbath ni kha thiang tein umter awkah Levi mi hna kha, nan i thianh lai i nan ra lai i kutka kha nan cawngh hna lai, tiah nawl ka pek hna. Keimah ca ṭhatnak ding caah hi zong hi hngal camcin ko law, maw Pathian, a fekmi na dawtnak a ngan ningin ka zuah ko sawh.

NEHEMIAH 13:14

Keimah cu hi kongah hin ka hngal camcin ko, maw ka Pathian, cun ka Pathian inn ca le a rian ca i thil ṭha ka tuahmi hi hlo sawh hlah.

GENESIS 30:22

Cun Pathian nih Rachel kha a vun philh ve lo i a thlacamnak kha a leh i fa ngeih khawhnak a pek.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

SALM 105:8

Biakamnak a sermi cu zungzal in a zulh lai, a biakamnak cu chan thong khat tiang a zulh lai,

GENESIS 11:27

Terah tefa cu hi hna hi an si: Terah cu Abram le Nahor le Haran pa a si. Haran cu Lot pa a si i

DEUTERONOMI 7:8

Sihmanhsehlaw Bawipa nih an dawt hna i nan pupa hna sinah chiat a sermi biakamnak cu a tlinter caah, Bawipa nih a ṭhawngmi kut in an chuahpi hna i sal cannak inn chung khan an tlanh hna, Izipt siangpahrang Faro kut chung khan, an chuah hna.

DEUTERONOMI 9:27

Na sal Abraham, Isak le Jakob kha cingkeng hna law; hi mi hna an lung khonnak siseh, an ṭhat lonak siseh, an sualnak siseh zei ah rel sawh hlah;

EZEKIEL 14:16

cuka ah cun kha mi pathum hna kha rak um hna hmanh seh law, an fapale le an fanule hna hmanh kha an khamh kho hna lai lo; anmah lawng kha an i khamh kho lai i an ram cu a rawk dih ko lai, tiah ka nun bangin ka chim, tiah Bawipa Pathian nih a ti.

JOB 35:8

Na ṭhat lonak nih cun nangmah bantuk mi lawng hi pei a tongh khawh ko hna cu, Na dinnak zong nih mi fapa hna lawng hi pei a ṭhathnem khawh ko hna cu.