GENESIS 10:11 - Lai (Hakha) Common Language Bible 2006

¹¹ Cu ram cun Assiria ram ah a kal i Nineveh khua le Rehoboth-Ir khua le Kalah khua le

GENESIS 10:11 Referans Kwoze

MIKAH 5:6

Annih nih an vainam in Assiria ram cu an tei lai. Assiria mi nih kan ram cu an hung chim tikah kannih cu an kan khamh lai.

NAHUM 1:1

Nineveh khua kong bia: Elkosh khuami Nahum nih langhnak a hmuhmi ṭialnak cauk.

JONAH 1:2

“Nineveh khualipi ah cun va kal tuah, atu ah va kal law a ṭhat lonak nih khan a cerh in a ka cerh caah va si,” tiah a ti.

SALM 83:8

Assiria zong kha an sinah aa ṭom ve, an dihlak in Lot tefa cu an bawmh hna.

ZEFANIAH 2:13

Cucaah a kut cu chaklei ah samh seh law Assiria cu hrawk seh, Nineveh cu ṭhio seh law ram car bantukin carter seh.

NAHUM 3:7

Khi tikah nangmah cu aan hmutu vialte nih an in hrial lai i, “Nineveh cu a rawk cang, aho nih dah a hnemh ti lai,” an ti lai. Nangmah hnemtu ah ahodah ka hmuh khawh hna lai?

NAHUM 2:8

Cun Nineveh cu tidil bantuk ah a cang, A velchum i a ummi ti a zor lengmangmi bantuk kha a si cang. “Dir tuah, dir tuah,” tiah an au, sihmanhsehlaw pakhat hmanh an i mer lo.

HOSEA 14:3

Assiria nih a kan khamh kho bal lai lo, raltuknak rang nih a kan huppheng kho lai lo; Kannih nih kanmah kut in kan sermi siasal kha, “Nannih cu kan pathian nan si,” tiah kan ti ṭhan ti hna lai lo. Bawipa, bawmtu dang a ngei lomi cu na zaangfah tawn hna tiin, kan sualnak kha kan i phuang.

EZEKIEL 32:22

Khika ah Assiria kha a mibu vialte hna he an um ve, a mi vuimi hna cu a velchum khan an um i an dihlak in vainam in thah i a thimi an si.

EZEKIEL 27:23

Harran, Kanneh le Eden, Asshur le Media ram dihlak i chawlet hna nih khan an in dawr;

ISAIAH 37:37

Cu tikah Assiria siangpahrang cu aa let i Nineveh khua ah khan a kir.

EZRA 4:2

Zerubbabel le pale innchungkhar lu a si ciomi kha an fuh hna i annih cu an thawh hna i, “Kan in sakpi hna lai; zeicahtiah nan Pathian cu nanmah bantukin kannih zong nih kan biak i Assiria siangpahrang Esarhaddon nih hika ah a kan ratpi thawk in atu tiang Pathian sinah cun rai kan thawi ve ko”, tiah an ti.

2 SIANGPAHRANG 19:36

Cun Assiria siangpahrang Sennakherib cu a kal i inn ah a tlung i Nineveh ah a um.

NAMBAR 24:24

Sihmanhsehlaw Kittim in sangphawlawng an ra lai i Asshur le Eber kha an hrem hna lai i Amah zong rawknak kha a phan lai,” tiah a ti.

NAMBAR 24:22

Sihmanhsehlaw Kain cu a iao dih lai. Zei tik tiang dah Asshur nih sal ah an kalpi lai?” tiah a ti.

GENESIS 10:12

Resen khua kha a tlak hna, Resen cu Nineveh le Kalah khuapi karlak i a ummi a si.