GENESIS 1:31 - Lai (Hakha) Common Language Bible 2006

³¹ Pathian nih a sermi thil vialte cu a zoh i a lung a si ngaingai. Zanlei cu a hung dih i zinglei kha a hung um, cucu ni ruknak ni cu a si.

GENESIS 1:31 Referans Kwoze

1TIMOTE 4:4

Pathian nih a sermi thil cu zei thil paoh an ṭha dih; zeihmanh hlawt awk an si lo, lunglawmh thlacamnak he cohlan awk an si ko.

SALM 104:24

Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat.

EXODUS 20:11

Ni ruk chungah Bawipa nih van le vawlei le rili le an chung i a ummi thil vialte kha a ser hna i ni sarih ni ah cun aa din. Cucaah cun Bawipa nih dinh ni cu thluachuah a pek i amah ca rian ṭuannak caah a duh.

SALM 104:31

Bawipa sunparnak cu zungzal in hmun ko seh, a sermi thil cungah Bawipa cu i lawm ko seh.

ṬAHNAK HLA 3:38

A chia siseh a ṭha siseh, Cung Nung Bik kaa chungin a chuakmi an si lo maw?

GENESIS 2:2

Ni sarihnak ni ah Pathian nih a tuahmi thil vialte cu a lim hna i cu ni ah cun rian ṭuan loin a um.

GENESIS 1:23

Zanlei cu a dih i zinglei kha a hung um, cucu ni nganak ni a si.

GENESIS 1:8

van kuai cu a min ah “Van” a sak. Zanlei cu a hung dih i zinglei kha a hung um, cucu ni hnihnak ni cu a si.

GENESIS 1:5

ceunak cu “Chun” tiah min a sak i muihnak cu “Zan” tiah a ti. Zanlei cu a hung dih i zinglei kha a hung um — cucu ni khatnak ni cu a si.

GENESIS 1:19

Zanlei cu a hung dih i zinglei kha a hung um, cucu ni linak ni kha a si.

GENESIS 1:13

Zanlei cu a hung dih i zinglei kha a hung um, cucu ni thumnak ni cu a si.

1TIMOTE 4:5

Zeicahtiah Pathian bia le thlacamnak nih khan Pathian cohlan awk tlak thil ah a tuah hna.

EXODUS 31:17

Hi ni cu Israel mi le keimah karlak i zungzal hmunmi hmelchunhnak a si, zeicahtiah Bawipa keimah nih van le vawlei cu ni ruk chungah ka ser hna i ni sarih ni ah cun ka rian cu ka ngol i kaa din,’ a ti, tiah na chimh hna lai,” a ti.

SALM 104:28

Nang nih na pek hna i an ei, rawl cu na pek hna i an khim,

SALM 119:68

Zeitluk in dah na ṭhat i zeitluk in dah vel na ngeih! Na nawlbia cu ka cawnpiak tuah hna.

PHUNGTHLÛKBIA 16:4

Bawipa nih zeizong vialte hi anmah ca i tinh ciomi caah khan a ser hna, miṭhalo hna hmanh hi, harnak ni caah a ser hna.

PHUNGCHIMTU 3:11

Zeizong vialte hi anmahle an caan te a serpiak cio hna; cun hmailei thil hngalh duhnak kha minung kan lungthin chungah a chiah i asinain Pathian nih a tuahmi kha tling tein hngalh khawhnak kha cu a kan pe lo.

GENESIS 2:3

Ni sarih ni cu thluachuah a pek i a dang tein a chiah, zeicahtiah cu ni cu a thil ser a lim i rianṭuan loin a um ni kha a si.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.