GENESIS 1:22 - Lai (Hakha) Common Language Bible 2006

²² Cun thluachuah a pek hna i, “Ti chung i a ummi thilnung hi karh u law rili hi khat u, va hi tampi in karh u,” tiah a ti hna.

GENESIS 1:22 Referans Kwoze

GENESIS 8:17

Cun saram vialte zong kha chuah hna — va si hna seh, saṭil si hna seh, saram hna phun si hna seh, chuah dih hna law vawlei cungah hin fa hring ṭhan hna seh law karh ṭhan hna seh,” a ti.

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

JOB 40:15

“Tisartlam, saram vialte bawi khi ruat hmanh, Saṭil cu ram bantukin a ei hna.

GENESIS 1:28

Thluachuahnak a pek hna i, “Tefa tampi in ngei u law nan tefa cu vawlei cung khuazakip ah khat hna seh, cun annih nih vawlei cu uk hna seh. Nannih cu nga cung le va cung le ramlak saram a hme he a ngan he an dihlak cung i nawlngeihnak kan pek hna,” a ti.

JOB 42:12

Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei.

GENESIS 9:1

Pathian nih Noah le a fapa hna cu thluachuah a pek hna i, “Fa tampi in ngei hna u law nan fale cu vawlei cung khuazakip ah khat hna seh.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

SALM 128:3

Na nupi cu na inn chungah a thei a ṭhami mitsur ruang bantuk a si lai, na fapale nih oliv thing tuaino bantukin na cabuai kha an kulh lai.

SALM 107:31

Cucaah Bawipa cu, an cung i thil ṭha a tuahmi ruangah khan le a fekmi a dawtnak ruangah khan, an lawmh hrimhrim awk a si.

LEVITIKAS 26:9

Cun nannih cu hmaizahnak kan pek hna lai i kan punzamter hna lai i kan karhsoter hna lai i, nannih he ka biakamnak kha ka fehter lai.

GENESIS 35:11

Cun Pathian nih amah cu, “Keimah cu Lianngan Bik Pathian ka si. Fa tam piin ngei hna. Tefa tampi na ngei lai i a cheu cu siangpahrang an si lai. Na tefa cu an tam tuk lai caah miphun tampi ah an cang lai.

GENESIS 30:30

Ka rat hlanah cun na saṭil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin Bawipa nih thluachuah cu an pek ko. Atu cu keimah ca kaa ṭuan caan a si ve cang,” a ti.

GENESIS 30:27

Cun Laban nih Jakob cu a thawh i, “Biachimnak nawl ka pe ve tuah: litin in ka hngalhmi cu, Bawipa nih thluachuah a ka pek hi nangmah thawngin a si.

GENESIS 1:21

Cuticun Pathian nih cun rili chung i a ummi sahrang ṭihnung pipi le ti lak i a tlongmi thilnung a phunphun le va a phunphun kha a ser hna. A tuahmi kha a zoh i a lung a si.

GENESIS 1:23

Zanlei cu a dih i zinglei kha a hung um, cucu ni nganak ni a si.