GALATI 6:12 - Lai (Hakha) Common Language Bible 2006

¹² Lenglei thil aa porhlawmi le aa uangthlarmi hna hi nanmah cuarpar tan hnek aan duhmi hna kha an si. Cu an duh cu Khrih vailamtahnak kongah hremnak an innak hnga lo ca men ah a si.

Laibaibal Thiang (BSI)

¹² Mihmuh i zohdawh si a duhmi nih cuarpartan an in fial hna. Hihi zeidang ruangah a si lo. Krih vailam ruang i serhsatnâk in luat an duh caah a si.

GALATI 6:12 Referans Kwoze

GALATI 5:11

Ka u le ka nau hna, cuarpartan hi a herh ko ti i ka chim rih a si ahcun, zeicahdah hremnak hi ka in lengmang kun? Cuticun rak chim ning law cu, Khrih vailam tahnak kong ka chimmi nih hin harnak zeihmanh a chuahter hnga lo.

KOLOSE 2:23

Vanmi nan biak hna lai, nan pum nan i hrem lai, an ti i mi toi aa dormi ko an lawh tikah hin, hi phunglam hna hi fimnak chungchuak thilṭha a si ding ko khi an lo; asinain pumsa duhnak tei khawhnak ding taktak ah cun zeihmanh santlaihnak an ngei lo.

2 KORIN 11:13

Cu hna cu lamkaltu taktak an si lo — annih cu a deu an si, an rian ṭuannak kongah khan lih an chim i Khrih lamkaltu taktak an i lawhter.

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

GALATI 2:3

Ka hawi Titas cu Grik mi a si nain ahohmanh nih cuarpar tan an fial lo;

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

FILIPI 3:18

Hihi hlanah voi tampi kan chimh cang hna i atu ah mitthli he ka nolh rih, mi tampi cu an nuncan nih Khrih vailamtahnak ral ah a canter hna.

FILIPI 2:4

Cun midang duhning kha hmuh thiam i zuam u law nanmah duhnak lawng kha ruat hlah u.

FILIPI 1:15

A cheu cu nahchuahnak an ngeih ca le mi he i al duhnak lungthin an ngeih ruangah Thawngṭha bia a chimmi an si taktak, sihmanhsehlaw a cheu cu lungthin ṭha te he a chimmi an si.

GALATI 6:13

Cuarpar tannak phung a zulmi hna hmanh nih Nawlbia cu an zulh ve hlei ṭung lo; an cuarpar i tan hna seh ti an in duh hna cu, pumsa phung kan chimhmi hna hi an zul tiin i thangṭhat an duh caah pei a si ko cu.

GALATI 2:14

Thawngṭha biatak lam ding kha an zul ti lo ti ka hmuh tikah, an dihlak hmaiah Peter cu ka thawh i, “Nang cu Judah mi na si, sihmanhsehlaw Jentail mi bantukin na um, Judah mi um in na um lo. Cucaah zeitindah Jentail mi cu Judah mi bantukin nan um lai tiah na hnek khawh hna lai?” ka ti.

2 KORIN 10:12

Cu tluk sang i aa chiami hna he cun kan i tahchunh ngam in kan i rel chih ngam taktak lai lo! An va hrut thiam dah. Anmah tahnak dingah khan anmah lila nih pei tahnak tlangrel cu an i ser ko cu.

LAMKALTU 15:5

Sihmanhsehlaw zumtu hna lakah khan, Farasi bu chung i a simi an rak um i cu hna nih cun an i thawh i, “Annih cu, cuarpar nan i tan lai i Moses Nawlbia kha nan zulh lai, tiah ti awk an si,” tiah an ti.

JOHAN 7:18

Mah duhning in mi a cawnpiak lengmangmi cu mah thangṭhatnak a kawlmi an si. Sihmanhsehlaw a thlahtu thangṭhatnak tu a duhmi cu lih chim lo tein a um i a chungah hrokhrawlnak zeihmanh a um lo.

LUKA 20:47

mi nih ka hmu hna seh ti duh ah thla sau pipi in an cam, sihmanhsehlaw nuhmei kha an thilri le an inn tiangin an chuh ṭung hna. Dantatnak an hmuh ding cu a fak chinchinmi a si ko lai,” tiah a ti.

MATTHAI 23:28

Cu bantuk cu nan si, a lenglei cun mi ṭha ko nan lo, sihmanhsehlaw nan chung cu lih le sualnak in a khat.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:2

“Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu!

MATTHAI 6:5

“Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

MATTHAI 5:10

Pathian nih tuah u, a timi tuah ruangah hremnak a ingmi cu lunglawmmi nan va si dah! Vancung Pennak cu nanmah ta a si.

MATTHAI 23:27

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Si rang an thuhmi thlan bantuk nan si. Lenglei cun aa dawh ko, sihmanhsehlaw a chung cu mithi ruh le a thumi pei a khat cu.