GALATI 6:1 - Lai (Hakha) Common Language Bible 2006

¹ Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah ṭhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

Laibaibal Thiang (BSI)

¹ Unau hna, mi pakhat cu sual nih a tlaih tikah, nannih thlarau mi hna nih nunnemnâk in an sinâkhmasa ah siter ṭhân va zuam ulaw, tukforhnâk nan ton sualnâk hnga lo ralrinnâk tu ah hmang u.

GALATI 6:1 Referans Kwoze

ROM 15:1

Zumhnak ah thazang a ṭhawngmi kannih nih a dermi kha an thilrit phorh kan bawmh hna awk a si. Kanmah duhnak kha kan kawl awk a si lo.

2 THESALON 3:15

Asinain ral bantukin zoh hna hlah u, unau bantukin chimhring hna u.

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

1JOHAN 5:16

Mi pakhatkhat nih, a unau pakhatkhat kha, thihnak tiang a phanmi a si lomi sualnak a tuah kha a hmuh ahcun, nunnak a petu ding Pathian sinah khan thla a campiak lai — cucu thihnak tiang a phanmi sualnak a tuah lomi hna caah khan a si. Sihmanhsehlaw thihnak tiang a phanmi sualnak a um i cu kong ahcun Pathian sinah thla nan cam lai ka ti lo.

2 KORIN 2:7

Atu cu nannih nih nan ngaihthiam awk le thazang nan pek awk a si, a ngaih a chiat tuk ahcun a lung a dong sual lai.

HEBRU 12:13

cun a ping a pang ah nan ke hlang sual lo tein um u. Cu ti nan tuah ahcun a beimi nan ke kha a rawk lan lai lo i hmasa i ṭhawnnak a rak ngeihmi kha a ngei ṭhan kho lai.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

ROM 14:1

Zumhnak lei i thazang a dermi kha nan bu chungah rak cohlang ko hna u, an pumpak ruahnak kha rak al len hna hlah u.

EZEKIEL 34:16

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

1 KORIN 10:12

Ka dir kho ko tiah aa ruatmi cu a tluk sualnak hnga lo i ralring seh.

1 KORIN 4:21

Zeidah nan i thim lai? Fungfek he maw ka rat lai dawtnak le nemnak lungthin he dah ka rat lai?

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

2 KORIN 10:1

Hmunkhat um vial ah zeihmanh chim ngam ṭung lo, a langhlat vial in a ral a ṭha ngai ṭung, nan ka timipa keimah Paul nih, Khrih lungnemnak le a zaangfahnak lungthin in kan nawl hna.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

1 KORIN 14:37

Ahohmanh nih Pathian lamkaltu ka si tiin aa ruah ah siseh, thlarau laksawng ngeimi ka si tiin aa ruah ah siseh, a hngalh awk cu, nan sin i ka ṭialmi hi Bawipa nawlbia a si, ti kha a si.

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

1 KORIN 2:15

Thlarau a ngeimi nih cun zeizong vialte kha an ṭhat an chiat an khing an thlai khawh, sihmanhsehlaw anmah tu cu ahohmanh nih sual an phaw kho hna lo.

ROM 8:6

Nan lungthin cu minung sining nih a uk ahcun a phichuak cu thihnak a si; nan lungthin cu Thlarau nih a uk ahcun a phichuak cu nunnak le daihnak a si.

MATTHAI 11:29

Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.

HEBRU 13:3

Thong a tlami kha, an sin i thong a tla vemi bantukin philh hna hlah u. Hremnak a ingmi kha, an sin i hremnak a ing vemi bantukin philh hna hlah u.

GALATI 5:23

toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.

2 SAMUEL 11:2

Cun ni khat cu zanlei sang ah khin David cu a ihkhun in a tho i siangpahrang inncung i aa chawh tikah, inncung cun minu pakhat aa kholh lio kha a hei hmuh; cun cu nu cu aa dawh ngaingai.

1 KORIN 3:1

A ngaingai ti ahcun, ka u le ka nau hna, nannih sinah cun Thlarau a ngeimi hna sin i bia ka chim bantukin ka chim kho lo; hi vawleicung mi bantuk le Khrihfa zumhnak i bawhte a si rihmi hna bantuk lawngin bia kan chimh khawh hna.

MATTHAI 26:75

Peter nih cun Jesuh nih, “Ar a khuan hlanah ‘Amah cu ka hngal lo,’ tiah voi thum na ka ti lai,” tiah a rak chimmi kha a lung ah a hung pem. A chuak i fak piin a ṭap.

MATTHAI 26:69

Peter cu lengah, inntual ah khan a ṭhu. Tlangbawi Ngan salnu pakhat kha a ra i, “Nangmah zong hi Galilee ram mi Jesuh sin i a rak um tawnmi na si ve ko,” tiah a ti.

SALM 141:5

Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

GALATI 6:18

Ka u le ka nau hna, kan Bawipa Jesuh Khrih vel cu nan dihlak cungah um ko seh. Amen.

1THESALON 4:1

A donghnak ah ka u le ka nau hna, zeitindah Pathian duhning in kan nun awk a si lai ti kha nannih nih kan sinin nan hmuh cang. Hitihin nan rak nun awk a si i atu hi Bawipa Jesuh min in tam chinchin in nan nun nakhnga kan in nawl hna.

2 KORIN 2:8

Amah nan dawt taktak kha va hngalhter u tiah kan nawl hna.