GALATI 2:15 - Lai (Hakha) Common Language Bible 2006

¹⁵ Kannih cu kan chuahkehnak in Judah mi kan si taktak, Jentail misual phun cu kan si taktak lo.

Laibaibal Thiang (BSI)

¹⁵ Kan nih cu Judah mi kan si i Gentel misual kan si lo.

GALATI 2:15 Referans Kwoze

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.

ROM 3:9

A si ahcun, kannih Judah mi hi tah, Jentail mi hna nakin kan dirhmun a ṭha deuh hlei kun maw? Ṭha deuh hlei nemmam hlah. Ka langhter cang bang khan Judah mi he Jentail mi he kan dihlak in sualnak ṭhawnnak tang i a ummi kan si.

FILIPI 3:4

A ngaingai ti ahcun cu bantuk thil hna aa bochan khomi ka si ve ko. Lenglei phunglam kaa bochan khawh a timi an um ahcun, cu bantuk ti khawhnak cu tam deuh chinchin ka ngei:

ROM 4:16

Cu biakamnak cu velngeihnak thawng lawnglawng in a si i Abraham tefa vialte hna caah khan a si, Nawlbia a zulmi hna ca lawngah khan si loin Abraham zumh bantukin a zummi hna dihlak caah khan a si ti hngalhnak caah zumhnak cungah khan a hram cu bunh a si.

LAMKALTU 22:21

Sihmanhsehlaw Bawipa nih cun a ka thawh i, ‘Kal ko, zeicahtiah ram hlapi i a ummi Jentail mi hna sinah kan thlah lai,’ a ka ti,” tiah a ti.

MATTHAI 9:11

Mah cucu Farasi mi nih khan an hmuh hna i cucaah a zultu cu an thawh hna i, “Zeicahdah nan sayapa hi ngunkhuai khawltu hna le misual hna he rawl an ei ṭi?” tiah an ti.

1 SAMUEL 15:18

Cun Bawipa nih rian pakhat tuah awkah an thlah i, ‘Va kal law, misual mi, Amalek mi kha, va hrawk dih cikcek hna, cun an ciamh dih tiangin va do hna,’ a ti.

LUKA 24:7

‘Mi Fapa cu misual mi hna kut ah chanh a si lai i vailam ah an khenhchih lai i ni thum ni ah nunnak ah a tho ṭhan lai,’ tiah Galilee i a um lioah a rak in chimhmi hna kha philh hlah ngat u,” tiah an ti hna.

GALATI 2:17

Cu bantukin, Khrih he kan i pehtlaihnak thawngin Pathian he i rem awk kan i zuam tikah, Jentail mi tlukin misual kan rak si ve ti kha a lang — cu ti chimmi nih cun Khrih zong kha sualnak tuah ah aa tel ve a ti duhnak a si maw? Si hrimhrim hlah!