FILIPI 4:19 - Lai (Hakha) Common Language Bible 2006

¹⁹ Cun Khrih Jesuh chungah zeizong vialte tlamtling tein a ngeimi ka Pathian nih nan herhmi vialte cu an pek hna lai.

Laibaibal Thiang (BSI)

¹⁹ Ka Pathian nih Krih Jesuh i a sunglawi ngaimi a rumnâk chungin nan herhmi vialte an pêk hna lai.

FILIPI 4:19 Referans Kwoze

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

MIKAH 7:7

Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai.

MALAKHI 3:10

Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti.

NEHEMIAH 9:15

Cun an rawlṭamnak daihter awkah vancung in changreu na pek hna i an tihal riamhter awkah lungpi chungin ti na pek hna, cun annih cu pek awkin chiat na rak sermi ram ah khan va kal i va co awkah nangmah nih na chimh hna.

2 SAMUEL 22:7

“Ka harnak chungin Bawipa kha ka auh; Ka Pathian kha ka auh. A biaknak inn in ka aw kha a rak theih i Ka aunak kha a hna chung a phan.

SALM 36:8

Na inn in a chuakmi rawl kha duhdim tein an ei i na ṭhatnak tiva chung khan ti na pek hna.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

EFESA 3:16

Nan chunglei minung sinak ah a ṭhawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin ṭhawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

ROM 8:18

Atu caan i kan inmi temhinnak hi cu hmailei i kan sin i phuan a si te laimi sunparnak he cun tahchunh awk tlak ah ka rel lo.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

ROM 9:23

Cun a sunglawimi a sunparnak zong kha langhter a duh i a kan zaangfahmi kannih cungah khan cu a sunparnak cu a kan toih, kannih cu a sunparnak hmu dingin a kan timhmi cu kan si.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

SALM 130:7

Bawipa cu a dawtnak kha a fek i mi tlanh kha a duh zungzalmi a si caah, Maw Israel, amah cu i bochan ko.

SALM 104:24

Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat.

EFESA 1:18

Zei ruahchannak hmuh awkah dah an kawh hna ti le, a mi a kamhmi hna a thluachuahnak khuaruahhar cu zeitluk in dah a tam i

EFESA 2:7

Khrih Jesuh thawngin a langmi a dawtnak chung i a ummi a vel cu zeitluk in dah a ngan ti kha a zungzal in hmu hna seh ti a kan duh caah, hi cu a tuah.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

2 CHANRELNAK 18:13

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

GENESIS 48:15

Thluachuahnak a pek hna i: Ka pu Abraham le ka pa Isak, a hmaiah a rak umtertu hna Pathian nih hi ngakchia hi thluachuah pe ko hna seh. Nihin ni tiangin a ka hruai zungzaltu Pathian nih thluachuah vanluh pe ko hna seh.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.

ROM 1:8

A hmasa bik ah, nan dihlak ruangah ka Pathian cu Jesuh Khrih thawngin ka lawmh; zeicahtiah vawlei khuazakip ah nan zumhnak thawng hi an rak theih dih cang.

JOHAN 20:27

Cun Thomas cu a thawh i, “Hika ah hin ra law ka kut hi zoh tuah hna; cun ka hnak kha ka tawng tuah. Zum loin um ti hlah, zum cang ko,” tiah a ti.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

FILEMON 1:4

Ka nau Filemon, thla ka cam fate nangmah kong kha ka chim i ka Pathian kha ka lawmh.

2 KORIN 12:21

Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.

NEHEMIAH 5:19

Maw ka Pathian, hi mi hna caah ka tuahmi thil vialte hi ka ṭhatnak ding caah ka hngalhpiak camcin ko.

MATTHAI 6:32

(Hi thil hna cu Pathian bia lomi hna nih an lungre an i theihpi zungzalmi pei an si cu.) Vancung khua i a ummi nan Pa nih hi thil vialte cu nan herh dih hna ti kha a hngalh ko.

FILIPI 4:7

Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.

2 CHANRELNAK 31:8

Hezekiah le bawi pawl kha an rat i thil pon kha an hmuh tikah, Bawipa le a mi Israel mi hna cu an thangṭhat hna.