FILIPI 3:3 - Lai (Hakha) Common Language Bible 2006

³ Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

Laibaibal Thiang (BSI)

³ Zeitintiah kannih Thlarau in Pathian a bia i thisa i bochan loin Krih Jesuh ah â lawmmi hna hi cuarpar tanmi kan si deuh,

FILIPI 3:3 Referans Kwoze

KOLOSE 2:11

Amah he nan i pehtlaihnak ah hin nannih cu cuarpartannak kha nan hmu, minung tuahmi cuarpartannak kha si loin Khrih cuarpartannak hrimhrim kha nan hmu i cucu hi a sualmi kan pum chungin luatnak kha a si.

ROM 7:6

Sihmanhsehlaw thong chungah a rak kan hrengtu Nawlbia ah khan kan thih cang caah Nawlbia khan kan luat cang. Cucaah ning hlun, ṭialmi nawlbia lam zulh khan Pathian rian cu ṭuan ti loin ning thar, Thlarau lam zulh in kan ṭuan cang.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.

GALATI 5:25

Thlarau nih nunnak a kan pek cang caah kan nunnak zong hi amah nih a uk awk a si.

ROM 8:15

Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

SALM 105:3

Kannih cu amah mi kan si caah kan i lawm, Bawipa rian a ṭuanmi vialte i lawm u.

DEUTERONOMI 10:16

Cucaah nan lung cuarpar cu tan u law, lungkhong si ti hlah u.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

ROM 1:9

Ka chimmi bia hi ahmaan tiah Pathian cu tehte ah kaa lak ngam — cu Pathian rian, a Fapa kong Thawngṭha chim hi ka lungthin dihlak in ka ṭuanmi cu a si.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

ISAIAH 45:25

Bawipa nih Jakob tefa vialte cu ka chuah dih hna lai i annih nih an ka thangṭhat lai.

JUDAS 1:20

Sihmanhsehlaw ka hawile hna, nannih cu a thiang bikmi nan zumhnak cungah khan fek chin lengmang in i sa chin lengmang ko u. Thiang Thlarau ṭhawnnak thawng khan thlacam u law

ROM 15:17

Cucaah cun Khrih Jesuh he kan i pehtlaihnak thawngin Pathian rian ka ṭuanmi cu ka hmai a hngal.

ROM 8:39

cunglei vawlei nih siseh, tanglei vawlei nih hin siseh, an kan ṭhen kho lai lo — kan Bawipa Khrih Jesuh thawngin kan ta a simi Pathian dawtnak he a kan ṭhen khotu ding cu sermi thil dihlak ah hin zeihmanh a um lo.

ROM 9:6

Israel mi kha an dihlak in Pathian thimmi an si dih lem lo caah Pathian biakamnak cu pakpalawng ah a cang ka ti duhnak a si lo. Zeicahtiah Israel mi vialte kha Israel tefa an si lem lo,

2 KORIN 11:18

Asinain minung sining kong ah aa porhlawmi tam tuk an um caah kei zong kaa porhlaw ve ko lai.

GALATI 6:16

Hi phung an nunning ah a zulmi hna cu daihnak le zaangfahnak kha an cungah um ko seh — Pathian mi dihlak cungah cun um ko seh.

FILIPI 1:1

Khrih Jesuh sal Paul le Timote nih, Filipi khua i a ummi Pathian mi nan dihlak, Khrih Jesuh a zummi hna cu, nan pastor hna le Khrihfa upa hna he, ca kan in kuat hna.

FILIPI 3:12

Hi thil ah hin ka tlam a tling cang ti a si lo i ka tling cang ti zong a si fawn lo. Sihmanhsehlaw a ka ngeitu cu Khrih kha a si cang caah cu thil cu ka ta a si khawh nakhnga kaa zuam lengmang.

FILIPI 3:14

Cucaah kawltung leiah cun laksawng hmuh awkah khan ka tli i cu laksawng cu Pathian nih Khrih Jesuh thawngin cunglei nunnak i a kan kawh hi a si.