FILIPI 3:11 - Lai (Hakha) Common Language Bible 2006

¹¹ cun kaa ruahchanmi cu thihnak in nunnak ah thawhter ka si lai.

Laibaibal Thiang (BSI)

¹¹ Cuticun zeilei pauh in thih nâkin thawhṭhannâk cu ka co khawh ve lai.

FILIPI 3:11 Referans Kwoze

BIAPHUAN 20:5

(Mithi mi a dang cu kum thong khat a dih hlan kha cu an nung lo). Mah hihi mithi thawhter an si a hmasa u cu a si.

LAMKALTU 26:7

cu ka ruahchanmi cu kan miphun phu hleihnih hna nih Pathian kha chun he zan he an rak biak tikah kan hmuh te lai tiin an rak i ruahchanmi ṭhiamṭhiam kha a si ko. Cu ruahchannak ruangah cun, Bawipa, Judah mi nih sual an ka puh hi a si.

LAMKALTU 23:6

Paul nih cuka bu chungmi cu a cheu Sadusi mi an si i a cheu Farasi mi an si kha a hmuh hna tikah khawngsil chungah cun a au i, “Ka u le ka nau hna, kei cu Farasi mi, Farasi mi hna fa ka si. Hika i biaceih i ka um hi a thimi kha nunnak ah an tho ṭhan lai ti ruahchannak ka ngeih ruangah a si,” tiah a ti.

HEBRU 11:35

Zumhnak in nu hna cu an mithi kha nun ṭhanterpiak an si. A dang cu a ṭha deuhmi nunnak i thawhter si kha an duh deuh caah, luatnak kha i lak duh loin hremnak in an thi.

2 THESALON 2:3

Ahohmanh i hlenter hna hlah u. Zeicahtiah cu Ni cu donghnak ral thawhnak a phanh hlan le hell kal ding a simi Miṭhalo Pa a chuah hlanah cun, a phan lai lo.

1THESALON 3:5

Cucaah Timote cu nan sinah ka hun thlah. Um sawhsawh cu ka ing kho ti lo i nan zumhnak zeidah a lawh hnga ti hngalh duh ah amah cu ka ratter. Khuachia nih an tukforh hna zong a si kho ko i kan rian ṭuanmi kha pakpalawng ah a cang dih sual lai ti zong ka phang.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

1 KORIN 9:27

Zuamnak hmun ah rak i zuam u tiah midang kha sawm lengmang ṭung in a sawmtu keimah kha hlawtmi si sual lai ing ti phang in ka pum cu ka hrem i fek tein ka uk.

1 KORIN 9:22

Zumhnak lei i a dermi hna sinah, anmah cu ka lak khawh hna nakhnga anmah bantuk i a dermi ah kaa cang. Cucaah zeimaw ti tal in ka khamh kho hna hnga maw tiin mi kip sinah an sining paoh in ka um ve.

ROM 11:14

Ka phun hawimi kha an nahchuahter kaa zuam i cuticun tlawmpal tal ka khamh kho phum hna hnga maw ka ti.

JOHAN 11:24

Martha nih cun, “Asi, a tho ṭhan lai ti cu ka hngalh ko, sihmanhsehlaw ni hmanung bik thawhṭhannak ah pei a si ko lai cu,” tiah a leh.

LUKA 14:14

annih nih an in cham khawh lai lo caah thluachuahnak na hmu lai. Miṭha mi kha thihnak in an thawh ṭhan tikah Pathian nih an cham lai,” tiah a ti.

SALM 49:7

Minung nih cun zeitikhmanh ah amah le amah aa tlan kho lo; a nunnak man kha Pathian a cham kho lo;

LAMKALTU 27:12

Cuka lawngdinhnak cu khuasik chung umnak ah a ṭha lo i cucaah tam deuh nih kal i a si khawh ahcun Finiks phak kha an duh. Cu hmun cu Krit tikulh i lawng dinhnak nitlak-thlanglei le nitlak-chaklei a hoihmi kha a si i cuka ah cun khuasik chung kan um lai tiah an ruah.

1 KORIN 15:23

Asinain a ningcang tein a si lai: a hmasa bik ah Khrih, cun a rat caan ah Khrih ta a simi.

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.