FILIPI 3:1 - Lai (Hakha) Common Language Bible 2006

¹ A donghnak ah, ka u le ka nau hna, Bawipa ah cun i lawm ko u. Hmasa i ka rak ṭial cangmi nolh ṭhan kha ka zeeng lo i nanmah an humhaktu hna a si.

Laibaibal Thiang (BSI)

¹ A donghnâk ah ka ule nau hna, Bawipa ah i lawm u. Zeitintiah ṭial cangmi bia ṭial ṭhân hi ka neng lo i nan caah kilvengtu a si.

FILIPI 3:1 Referans Kwoze

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

JEIM 1:2

Ka u le ka nau hna, nan cungah hneksaknak a phunphun a tlun tikah vanṭha ah i rel u,

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

1THESALON 5:16

A zungzal in i lawm u,

FILIPI 4:8

A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

2 PETER 3:1

Ka dawtmi ka hawile hna, atu i ca kan kuatmi hna hi a pahnihnak a si. Ka ca chungah, an pahnih tein, tuah kaa zuammi cu, nan lung chung i ruahnak thiang ṭhanghter kha a si i cucaah cun hi thil hi kan chimh ṭhan lengmang hna.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

LUKA 1:47

I lawm tuah, ka nunnak, Bawipa na khamhtu cungah;

ZEKHARIAH 10:7

Cucaah Efraim mi cu ralkap bantuk an si lai, Mitsur hang a ding i aa lawmmi bantuk an si lai, An fapa hna nih cun an hmuh lai i an i lawm lai; Cucaah an lung cu Bawipa ah i lawm ko seh.

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

ZEFANIAH 3:14

Zion fanu, lunglawmhnak in au tuah, Israel, teinak au in au tuah; Jerusalem fanu, i lawm law na lungthin dihlak in i lawm tuah.

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

SALM 37:4

Bawipa kha i bochan u law nan lungthli tum kha an pek hna lai.

SALM 32:11

Bawipa nih a tuahmi thil ruangah, miding vialte hna, i lawm u law thanuam in um tuah u. Amah a nawl a zulmi vialte hna, lunglawm in au tuah u!

JOB 22:26

Khi tikah Lianngan Bik cu naa bochan zungzal lai i Amah cu naa lawmhnak a hram a si kha na hngalh lai.

1 CHANRELNAK 29:22

cun cu ni ah cun Bawipa hmaiah lunglawm ngaiin an ei i an ding. Cun David fapa Solomon cu siangpahrang ah a voi hnihnak an ser ṭhan i amah cu Bawipa ca i bawi ah chiti an thuh i Zadok cu tlangbawi caah chiti an thuh.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

MATTHAI 5:12

Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 41:16

Van ah na hlerh hna lai i thlitu nih a choih hna lai; thlichia nih a kenkip ah a ṭhek dih hna lai. Sihmanhsehlaw nang cu naa lawm lai, zeicahtiah keimah cu na Pathian ka si, Israel Pathian thiang keimah cu na ka thangṭhat lai.

SALM 149:2

Israel, nangmah an sertu ruangah cun i lawm tuah, Zion mi hna, nan siangpahrang ruangah cun i lawm tuah u!

SALM 97:1

Bawipa cu siangpahrang a si, maw vawlei i lawm tuah! Rili chung i a ummi tikulh vialte hna, i lawm u!

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

SALM 5:11

Nangmah ah himnak a hmumi cu an i lawm lai i lawmhnak in hla an sa zungzal lai. Nangmah an dawmi cu na huhphenh hna, nangmah thawngin lawmhnak taktak an hmu.

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

1 CHANRELNAK 16:10

A min thiang cu sunparnak ah hmang u, Bawipa a kawlmi hna lung kha i lawm hna seh!

1 CHANRELNAK 15:28

Cuticun muko le saki le sumsel aw zulh cun Israel mi vialte nih au pah in Bawipa biakamnak kuang cu an hunpi i hla fak piin an sa i tingtang le thonglawi kha fak piin an tum hna.

1 SAMUEL 2:1

Cun Hannah nih thla zong a cam i, “Bawipa cungah ka lung aa lawm; Bawipa thawngin ka thazang cu hlorh a si. Na khamhnak ah khan kaa lawmh caah, Ka ral hna cu ka kaa nih a nihsawh hna.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

1THESALON 4:1

A donghnak ah ka u le ka nau hna, zeitindah Pathian duhning in kan nun awk a si lai ti kha nannih nih kan sinin nan hmuh cang. Hitihin nan rak nun awk a si i atu hi Bawipa Jesuh min in tam chinchin in nan nun nakhnga kan in nawl hna.

ISAIAH 65:14

Lunglawm in hla an sa lai, sihmanhsehlaw nannih cu lungkuai in nan ṭap lai.

SALM 33:1

Miding vialte hna, Bawipa nih a tuahmi thil ruangah i lawm tuah u; amah a nawl a zulmi vialte hna, amah cu thangṭhat tuah u.