FILIPI 1:30 - Lai (Hakha) Common Language Bible 2006

³⁰ Cucaah i dohnak chungah hin ka sinah nan i tel ve kho lai; hi i dohnak cu, hlan i ka rak dohmi nan rak hmuh cangmi le atu zong i ka doh lengmangmi nan rak theihmi ṭhiamṭhiam hi a si ko.

Laibaibal Thiang (BSI)

³⁰ keimah i nan hmuhmi raldohnâk atu tiangah a ummi bantuk hi nan ngeih ve cang.

FILIPI 1:30 Referans Kwoze

1THESALON 2:2

Thesalonika khua i nan sin kan phak hlanah zeitindah Filipi khua ah an kan serhsat i an kan nihsawh ti cu nan hngalh. Asinain, Pathian nih a Thawngṭha kha nannih chimh awkah ralṭhatnak a kan pek i harnak tampi a um nain kan chim.

2TIMOTE 4:7

Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

HEBRU 12:4

Zeicahtiah sualnak nan dohnak ah hin thihnak tiang ngaingai cu nan ing rih lo.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

BIAPHUAN 12:11

Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.

1TIMOTE 6:12

Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam. Tehte tampi hmaiah na zumhnak na rak phuan ah khan Pathian nih an kawhnak cu hi nunnak hmuh awk caah hin a rak si.

KOLOSE 1:29

Khrih ṭhawnnak le thazang ka chung i rian a ṭuanmi vialte kha hmang in, hi thil hi a can khawh nakhnga, heh tiah kaa zuam i ka ṭuan.

FILIPI 1:13

Kha ti ka cung i thil a tlungmi ruangah khan siangpahrang inn a cawngtu vialte hna le a dang vialte hna zong nih Khrih sal ka si ruang i thong tlaknak ka in hi an hngalh.

KOLOSE 2:1

Nanmah caah siseh, Laodisia mi hna caah siseh, cun pumpak in a ka hngal lomi hna caah siseh, zeitluk fak in dah ka ṭuan ti kha kan theihter tuah hna lai.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.