FILEMON 1:2 - Lai (Hakha) Common Language Bible 2006

² na inn ah aa pum tawnmi Khrihfabu le kan far le kan ralkap hawi Arkhipas kha ca kan in kuat hna.

Laibaibal Thiang (BSI)

² kan dawtmi Afia le kan ralkap ṭuanpi Arkhippas le na in i kawhran hna sinah,

FILEMON 1:2 Referans Kwoze

KOLOSE 4:17

Cun Arkhipas kha, “Bawipa rian chungah ṭuan ding an in fialmi kha rak lim hrimhrim seh an in ti,” tiah rak chim u.

FILIPI 2:25

Cun kan nau Epafroditas hi nan sin i rak thlah a herh tiah ka ruah, amah cu ka ṭuannak i a ṭuan vemi, ral ka dohnak i a do vemi a si i keimah bawmh awkah nan hun thlahmi a si.

ROM 16:5

An inn i aa pummi Khrihfabu zong nan kut kan tlaih hna. Ka hawikom dawtmi Epenetas zong na kut kan tlaih, amah cu Asia ram ah Khrih a zum hmasa bikmi a si.

KOLOSE 4:15

Laodisia khua i a ummi Khrihfa kan unau hna kha rak kan biakchawnhpiak hna u, cun Nimfa le a inn i aa pummi Khrihfabu zong kha rak kan biakchawnhpiak hna u.

1 KORIN 16:19

Asia ram chung i a ummi khrihfabu nih nan kut an in tlaih hna; Akuila le Prisilla le an inn i aa pummi khrihfabu nih nan kut an in tlaih hna.

ROM 16:1

Kenkhria khua Khrihfabu chung i rian a ṭuanmi kan far Fibi hi nan sinah theihhngalhter ka duh.