EZRA 2:69 - Lai (Hakha) Common Language Bible 2006

⁶⁹ anmah le an ti khawh tawk cio in rianṭuannak tangka chungah khan sui darik sang ruk le thong khat, ngun mina thong nga le tlangbawi puan za khat an pek.

EZRA 2:69 Referans Kwoze

1 CHANRELNAK 22:14

Har ngaiin Bawipa inn caah cun sui talen sing za khat, ngun talen nuai khat, dar le thir cu thlai cawk lo ka timh cang, a tam hringhran ko; thingah le lung zong ka timh cang. Mah vialte ah hin na chap awk a si lai.

1 SIANGPAHRANG 7:51

Cuticun Siangpahrang Solomon nih Bawipa inn ca i a ṭuanmi rian vialte cu a lim. Cun a pa David nih a rak pekchanhmi thil: ngun, sui le umkheng hna kha a luhpi hna i Bawipa inn rokuang chungah khan a ken hna.

1 CHANRELNAK 29:7

Pathian inn ca rianṭuannak caah cun sui talen thong nga le darik thong hra, ngun talen thong hra, dar talen thong hleiriat, thir talen sing khat an pek.

EZRA 2:68

Chungkhar hna lu cio a simi a cheu hna nih khan Bawipa inn, Jerusalem i a ummi ah khan an rat tikah, a hmun i sak ṭhan awkah khan Pathian inn caah cun mah lungtho tein pekchanhnak an tuah;