EZEKIEL 1:4 - Lai (Hakha) Common Language Bible 2006

⁴ Khua ka hei cuan i zohhmanh, chaklei in ṭotho pakhat a rung hran kha ka hmuh; cu ṭotho sinah cun khuadawm nganpi pakhat a um i cu khuadawm cu ceunak nih a kulh i a chungah cun dar bantukin a tleumi ceunak a um.

EZEKIEL 1:4 Referans Kwoze

EZEKIEL 1:27

Cun a tai in a cunglei cu dar tleu bantuk a si i somei vaam huam in a ummi khi a lo, cun a tai in a tanglei cu mei bantuk a si i a velchum in a ceu dih.

EZEKIEL 8:2

Chikkhatte ah khin Bawipa kut cu ka cungah a hung um i minung a lomi pakhat kha ka hmuh. A tai toi vialte cu mei khi siseh law cu ko cu a lo i a tai cung vialte cu dar bantukin a tleu i a ceu.

JEREMIAH 23:19

A kangh in mi a kangmi thli, Bawipa sinin a chuakmi khi zohhmanh, Ṭotho phuchim a si khi! Miṭhalo hna lung chungah aa zi len ko.

JEREMIAH 25:32

Zohhmanh, rawhralnak cu miphun pakhat sinin pakhat sinah a karh chin lengmang i thlichia cu vanhramdeng in a tho lio, tiah Bawipa nih a ti.

ISAIAH 21:1

Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

BIAPHUAN 1:15

a ke cu somei chungah an tit i tleu tein an hnormi dar bantukin a tleu i a aw cu tisor nganpi thawng bantuk a si.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 6:1

Maw Benjamin mi hna, Jerusalem in chuak u law himnak hmun ah zam tuah u, Tekoa ah muko tum u law Beth-hakkerem ah alan thlai tuah u; Zeicahtiah chaklei in ṭhat lonak kha a hung lang cuahmah, rawhralnak nganpi cu.

JEREMIAH 4:6

Zion lei lam cu hmuhsak hna u! Himnak hmun leiah khan le u! Rau hlah u! Bawipa nih chaklei in ṭhat lonak le rawknak nganpi a rak put lio.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

SALM 50:3

Kan Pathian cu a ra lio, sihmanhsehlaw dai tein a rat cu a si lai lo, a alh hluahmahmi mei a hmaiah khan a um i ṭih a nungmi thlichia nih a zual.

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

1 SIANGPAHRANG 19:11

Cun anih nih a thawh i, “Chuak tuah, Pathian hmaiah tlang cungah va dir tuah,” tiah a ti. Cun Bawipa cu a lan i a thlichia a hrang ciammam i tlang cu a cheu i Bawipa hmaiah cun lung hna cu a khuai cikcek hna, sihmanhsehlaw Bawipa cu thli chungah cun a um lo; cun thli a hran dih cun li a hnin, sihmanhsehlaw Bawipa cu lihnin chung zongah cun a um lo;

EZEKIEL 13:11

Hi a nalhtu hna hi chim hna law, vampang cu a cim lai, ti hna; ruahpi kha fak piin a sur lai i lung bantukin a hakmi rial kha an tla lai i thlitu a fakmi kha ka hranter lai.

EZEKIEL 13:13

Cucaah hihi Bawipa Pathian bia a si: Zeizong vialte kha a rawh dih hlantiang, ka thin nan ka phawh caah thli chia kha ka hranter lai, ka thin hun in ruahpi fak piin ka surter lai i ka thinlinh in lung tlukin a hakmi rial kha ka tlakter hna lai.

EZEKIEL 43:3

A mui ka hmuhmi cu khuapi kha hrawh awk i a rat lio i ka hmuhmi bantuk kha a si. Kebar tiva pawng i ka hmuhmi bantuk kha a si i vawlei ah ka bawk.

ZEKHARIAH 6:6

Rangtum nak a ngeimi rangleng hi chaklei ram ah a kal lai, rangtum rang a ngeimi hi nitlaklei ah a kal lai, rangtum pawl a ngeimi hi thlanglei ah a kal lai i rangtum sen a ngeimi hi nichuahlei ah a kal lai,” tiah a ka leh.

EXODUS 9:24

Rial fak piin a tla i nimtlau kha a kenkip ah a lek; Izipt ram a thawhkehnak in Izipt ram cungah cu bantuk thlichia cu a um bal rih lo.

2 SIANGPAHRANG 2:11

Cun an kal lengmang i bia an i ruah lio lengmang ah cun, zohhmanh, mei rangleng pakhat le mei rang hna nih annih pahnih cu an ṭhen hna. Cun Elijah cu phuchim in vancung ah a kai.

JOB 38:1

Cun Bawipa nih phuchim chungin Job cu a leh i: